影片
更多
2016-06-29
1182 瀏覽
最近天氣實在太熱，日日都酷熱天氣警告，仲要成35度，媽咪終於頂唔順，唔煮飯啦，於是我地就落屋企樓下近近地，睇下有咩岩食。我地行咗第一同第二街，再上第三街，比我地發現咗一間細細地嘅麵店。Today's special 塊大黑板好𥄫睛呀，是日有得意米粉丶秋葵丶麻吉燒丶芝士煙肉圈同香橙薏米水。張order紙有好多種選擇，湯底就有豬骨丶冬蔭公丶喇沙，而我就揀咗喇沙👍🏼麵底有成十一款，有上海白麵丶米粉丶油麵丶韓麵丶粉絲丶越南河丶蕎麥麵丶馬來西亞手工麵丶烏東丶日本素麵丶昆布麵，估唔到一間細細嘅麵店，有咁多麵揀，食喇沙，馬來西亞最正式，所以我就一定揀馬來西亞手工麵啦！我order咗六款配料，有芝士丶日本腐皮丶手撕雞丶星星魚蛋丶墨魚丸同八爪魚餅。另外仲有叫咗個春卷小食！首先，喇沙湯底好好味，同我係馬來西亞食嘅好似，八爪魚餅幾有咬口，魚蛋丶墨魚丸丶日本腐皮丶手撕雞OK，加埋芝士幾夾。個春卷好脆，又夠熱，值得一試！呢間Noodies，幾ok下，大家不妨試試！
Today's special 塊大黑板好𥄫睛呀，是日有得意米粉丶秋葵丶麻吉燒丶芝士煙肉圈同香橙薏米水。
張order紙有好多種選擇，湯底就有豬骨丶冬蔭公丶喇沙，而我就揀咗喇沙👍🏼麵底有成十一款，有上海白麵丶米粉丶油麵丶韓麵丶粉絲丶越南河丶蕎麥麵丶馬來西亞手工麵丶烏東丶日本素麵丶昆布麵，估唔到一間細細嘅麵店，有咁多麵揀，食喇沙，馬來西亞最正式，所以我就一定揀馬來西亞手工麵啦！
我order咗六款配料，有芝士丶日本腐皮丶手撕雞丶星星魚蛋丶墨魚丸同八爪魚餅。另外仲有叫咗個春卷小食！
首先，喇沙湯底好好味，同我係馬來西亞食嘅好似，八爪魚餅幾有咬口，魚蛋丶墨魚丸丶日本腐皮丶手撕雞OK，加埋芝士幾夾。
個春卷好脆，又夠熱，值得一試！呢間Noodies，幾ok下，大家不妨試試！
張貼
