Cocolo Tokyo Cake Factory (西貢海傍街) (已結業)

難得閒日去到西貢，見冇咩人所以周圍行。行到一個比較遠市中心嘅位嘅時候，有一堆鋪頭，有賣衫、生活雜貨又有餐廳，見到一間淨係賣蛋糕同蘋果批嘅舖頭，戴住口罩都聞到好香，所以就被陣香味吸引咗入去。睇餐牌先知原來佢仲有藍莓批或者橙批，不過店員話呢排剩返蘋果批咁就買咗兩個青森蘋果批返屋企食，都要$33一個㗎！由西貢去到大西北，蘋果批仲係微溫，本身仲諗住返到屋企要焗返熱，點知唔使喎。之後一食，同平時食開嘅蘋果批好唔同，佢啲蘋果好甜不過唔係浸完糖水嗰隻甜，好好食！