髀魔-雞髀第一店 (福民路) (已結業)

去到先至知道原來西貢店係不設坐位，因為太子分店門口係有幾個位坐的。魔髀同埋普通雞髀就係個size嘅分別，差價大約係$7至$8買咗黃金魔髀（$45）同埋麻辣普通髀（$32）雞髀真係新鮮即炸，熱得好緊要，熱到燙親個咀。同埋真係好大隻。黃金即係鹹蛋黃嗰隻係比較好食，但係鹹蛋黃唔算好多。佢嗰啲雞髀唔算好入味，啲味道都係比較浮面。麻辣嗰隻直頭就係普通炸雞髀，然後個面嗰度落啲麻辣粉。佢嘅雞髀相比其他雞髀專門店或者雞髀名店，係炸得比較鞋，唔滑唔juicy，較乾身。比起一般茶餐廳嘅就略勝一籌。但係普通茶餐廳呢個價錢就已經包埋嘢飲了。總結：新鮮即炸，熱辣辣，魔髀大隻，算貴。如果要食就食大魔髀，起碼其他舖頭冇咁大隻，算係特色啲，普通髀就真係太過普通了。