影片
更多
2019-10-07
358 瀏覽
見呢排開始秋風起，即刻約左屋企人去BBQ感受下秋天既來臨🥳～專登揸車入西貢BBQ，因為貪呢道可以對住海景、吹住海風咁燒烤🌬，又舒服又Chill✨～-入場時可以揀坐邊個區域，因為唔同區域有唔同既開爐費。本身想坐可以睇到無敵海景既玻璃屋，可惜已經坐爆哂🥺，唯有轉坐露天海景位，戶外有一大片草地，都可以睇到海景架😝。揀完位之後店員就會幫手起爐，等二十分鐘左右就燒得嚕，趁呢段時間即刻出去睇下有咩食🧐。-食物種類都算多，淨係雞翼都有四隻味🤩（咖哩、泰式、蒜蓉、香茅），肉類當然唔少得有雞牛豬扒、豬頸肉、金沙骨、咖哩魷魚、黑椒雞腎，仲有蜜汁西冷添。基本丸類、腸呢啲一定有，比較特別既仲有秋刀魚、多春魚同煙肉🤤！而且估唔到蔬菜櫃都有好多選擇🍅🌽🍍🍆🍠，有車厘茄、粟米、青椒、菠蘿、茄子同蕃薯。麵包都有兩款，仲有蜜糖、普通牛油同蒜蓉牛油任你揀🍞！分類清晰又企理，所以成個場都好乾淨，唔會見到啲食物夾到亂哂👏🏻。-最特別既係呢道有任飲飲品🤩！蘋果汁、橙汁、百事、七喜同水都係任飲，唔會好似其他燒烤場咁淨係比一罐野飲，好大方🥰。當然，如果想飲其他牌子例如可樂、烏雲茶呢啲都可以去小賣部買。除左野飲任飲之外，呢道仲提供埋
見呢排開始秋風起，即刻約左屋企人去BBQ感受下秋天既來臨🥳～專登揸車入西貢BBQ，因為貪呢道可以對住海景、吹住海風咁燒烤🌬，又舒服又Chill✨～
-
入場時可以揀坐邊個區域，因為唔同區域有唔同既開爐費。本身想坐可以睇到無敵海景既玻璃屋，可惜已經坐爆哂🥺，唯有轉坐露天海景位，戶外有一大片草地，都可以睇到海景架😝。揀完位之後店員就會幫手起爐，等二十分鐘左右就燒得嚕，趁呢段時間即刻出去睇下有咩食🧐。
-
食物種類都算多，淨係雞翼都有四隻味🤩（咖哩、泰式、蒜蓉、香茅），肉類當然唔少得有雞牛豬扒、豬頸肉、金沙骨、咖哩魷魚、黑椒雞腎，仲有蜜汁西冷添。基本丸類、腸呢啲一定有，比較特別既仲有秋刀魚、多春魚同煙肉🤤！而且估唔到蔬菜櫃都有好多選擇🍅🌽🍍🍆🍠，有車厘茄、粟米、青椒、菠蘿、茄子同蕃薯。麵包都有兩款，仲有蜜糖、普通牛油同蒜蓉牛油任你揀🍞！分類清晰又企理，所以成個場都好乾淨，唔會見到啲食物夾到亂哂👏🏻。
-
最特別既係呢道有任飲飲品🤩！蘋果汁、橙汁、百事、七喜同水都係任飲，唔會好似其他燒烤場咁淨係比一罐野飲，好大方🥰。當然，如果想飲其他牌子例如可樂、烏雲茶呢啲都可以去小賣部買。除左野飲任飲之外，呢道仲提供埋豉油、茄汁、辣椒油同芥末醬，大方得黎又貼心🥳。
-
如果唔想自己拎住燒既話仲可以買網，不過我就中意燒野食轉轉下既感覺，就無買到嚕。燒完一輪，大概試哂所有食物，特別推介：
蒜蓉雞翼：醃得好好，超入味但唔會好鹹😇。
黑椒牛扒：大大塊，肉質軟滑唔會太多筋。
黑椒雞扒：肉厚多汁，好嫩滑。
豬頸肉：口感彈牙，唔會醃到梅哂。
黑椒雞腎：大大粒唔係一片片個隻，超惹味🤩！不過有啲辣要小心。
金沙骨：啖啖肉唔會淨係得條骨
多春魚：條條都好多春，脹卜卜，幾鮮甜。
牛丸：比想像中好食，彈牙得黎好濃牛味👍🏻。
墨魚丸：食得到一粒粒既墨魚粒！
茄子：配蒜蓉牛油超正。
燒麵包：有蒜蓉包款同厚切方包兩款，極推薦厚切方包🍞！配蜜糖燒外脆內軟，而且夠厚吸哂蜜糖好正🤤。
-
燒到無炭仲可以去自助加炭區道加炭👐🏻，每個爐都附設一個夾同膠筒，中意攞幾多就幾多，唔會限住你每個爐得一包炭燒完就要比錢買🤩。加炭區隔離仲有個小型遊樂場🎡，超多小朋友係個邊放電。而且呢道爐與爐之間唔會太逼，岩哂一家大細帶埋狗狗假日過黎玩返日👨👩👧👦🐶❤️。
張貼
