影片
更多
2021-10-25
2781 瀏覽
當無論什麼時候去到壽司郎都人山人海，但又好想試。那就唯有預先計劃哪天有整天時間在餐廳附近活動/hea~12點近1點攞籌，最後到5點半左右先入得 不過好彩壽司郎app有個功能，可以睇到叫到幾多號，同叫號過後30分鐘內報到都可以補上。據reception 哥哥所講，當日1點左右就暫停攞籌。直到5點幾先視乎情況再派，所以穩陣的話，還是早點去攞完再係附近行下會好D。。。老實講，壽司郎未至於非常好食，水準算平平，大概比大牌日式放題店好少少。(可能剛去完貴價壽司店食不久，對壽司要求也提高了)不過款式多，價錢便宜，對比起來性價比也拉高了!!當天我們兩個人食咗18碟，有不同價錢，一個甜品及茶碗蒸，加埋一先$330.-因為人數眾多，入座起計1小時便要交枱。入座時問之前有冇黎過，答無佢會好快同你講一次流程 (快到我聽唔到講咩....不過理解既)枱上有個點餐pad，每次限點4碟，因為迴轉帶中會有條專線到你枱，但大概只可以入到4碟。另外當然就是自己在迴轉帶攞。除了一般的手握 / 軍艦 / 細卷壽司外，還有一款押壽司，也有一些有點古怪的熟肉壽司。另外也有沙律/烏冬/炸物/甜品等~~飲品方面除了免費的綠茶，也有汽
12點近1點攞籌，最後到5點半左右先入得
不過好彩壽司郎app有個功能，可以睇到叫到幾多號，
同叫號過後30分鐘內報到都可以補上。
據reception 哥哥所講，當日1點左右就暫停攞籌。
直到5點幾先視乎情況再派，所以穩陣的話，還是早點去攞完再係附近行下會好D。。。
老實講，壽司郎未至於非常好食，水準算平平，大概比大牌日式放題店好少少。
(可能剛去完貴價壽司店食不久，對壽司要求也提高了)
不過款式多，價錢便宜，對比起來性價比也拉高了!!
當天我們兩個人食咗18碟，有不同價錢，一個甜品及茶碗蒸，加埋一先$330.-
因為人數眾多，入座起計1小時便要交枱。
入座時問之前有冇黎過，答無佢會好快同你講一次流程 (快到我聽唔到講咩....不過理解既)
枱上有個點餐pad，每次限點4碟，因為迴轉帶中會有條專線到你枱，但大概只可以入到4碟。
另外當然就是自己在迴轉帶攞。
除了一般的手握 / 軍艦 / 細卷壽司外，還有一款押壽司，也有一些有點古怪的熟肉壽司。另外也有沙律/烏冬/炸物/甜品等~~
飲品方面除了免費的綠茶，也有汽水，但未有酒類供應，唔知係未有酒牌定點，全部酒類都寫sold out就是。
終於講返食物，大致上質素正常，未至於有驚喜，唔會覺得腥，亦無覺得特別鮮甜。
飯握得有少少鬆散，實返少少會好D。
以下我覺得是必食:
靖魚押壽司 - 因為特別嘛~唔係間間壽司店都有。我個人頗喜歡，唯咸了一點；
鰈魚鰭邊 - 魚油充分，係無得輸既壽司；
茶碗蒸 - 有成隻帶子係入面，好正! (利申: 我是茶碗蒸愛好者)
松葉蟹軍艦 - 以17蚊黎講質素都算係咁，一半蟹肉一半蟹膏，帶微微鮮甜亦唔腥 (我好怕腥)。
我地都食咗一個蜜瓜味雪芭，香料味有點重，普普通通啦~
其他相如下
張貼
