蛋撻王 (已結業)

唔知點解總係同呢件榴槤蛋撻緣慳一面.由我知道宇晴軒商場有間蛋撻王, 到發現佢有賣榴槤蛋撻, LUNCH TIME 幾次行過都食唔到佢.一係賣哂, 一係來不及排隊...... 講到好似好想食咁... 但其實我只係抱住冒險一試的心態去食! 不過都幾好彩~榴槤蛋撻真係啖啖都有榴槤香~ 榴槤蛋撻大概因為加左"料", 所以外觀同普通蛋撻有少少唔同餡的部份拱起左, 睇落去啞色D食落去, 口感比較厚, 加上陣陣榴槤香, 真的有少少好似食緊榴槤咁好有夏天的感覺!遺憾的是, 榴槤蛋撻的"榴槤"味掩蓋左"蛋"味, 唔講真係唔知有蛋..大概應該正名為"榴槤撻"吧?