八方台式麵屋 (九龍城廣場)

營業中

休息中

之前食過一次呢間既外賣，一直念念不忘。但因為工作同住嘅地區都唔近九龍城，所以一直都過唔到嚟食。今日早咗收工，所以就揸緊機會，同男朋友過咗嚟覆桌。香港而家放寬咗堂食，所以今次終於可以食到熱辣辣、新鮮嘅食物。果然亦冇辜負我哋嘅期望！主食我哋叫咗滷肉飯、同埋韭菜水餃新竹米粉。滷肉飯一如以往，keep到水準，非常香！我哋兩個本身都係無飯市民，但因為太好味，真係食唔停口，食到乾乾淨淨。而韭菜水餃新竹米粉，先講韭菜水餃，餡料非常足，韭菜味香濃，非常正！而新竹米粉配上湯底，非常入味，每一條米粉都索晒湯，湯底亦都非常滋味，連埋湯一齊食，非常香濃！小食方面，我哋叫咗師大香酥豬扒、夜市花枝丸，香酥豬扒肉質非常嫩，一啲都唔硬。炸粉唔厚，仲有一種香甜嘅味道。而花枝丸外脆內軟，非常足料，熱辣辣好香口，必食推介！飲品方面，我哋都試咗啲新嘢，叫咗台灣苿香綠茶同埋冷泡桂花烏龍，兩個飲品都唔差，苿香同桂花味既原味都非常清晰，相信唔係靠調味料調出嚟。.我哋兩個人食飽飽埋單都係百幾蚊，以呢個價錢，食到咁嘅質素，絕對係超值！餐廳並唔係裝修得非常高級，走簡潔路線，絕對係實而不華嘅代表。