影片
更多
2023-09-13
32 瀏覽
好耐冇食壽司但唔想去一般連鎖店，揀咗高質啲嘅手握壽司(´∇`*)餐廳門面及店內走淺木系簡約日式風格，一邊2人餐枱，一邊日式吧枱，由師傅席前主理。.🍣 巧・特上壽司盛合 $228壽司盛合有中吞拿魚腩、赤身、油甘魚、時令鮮魚3款、帆立貝、墨魚、赤蝦、玉子共10款，件件都好新鮮。中吞拿魚腩魚脂比例適中，肉質油潤嫩滑。帆立貝、赤蝦肉厚飽滿，爽滑鮮甜。所有壽司飯都加入了赤醋，比一般白米醋飯嘅酸度更柔和，味道更香醇濃郁。.🦀 北海道丼 $228丼飯一樣用赤醋壽司飯，飯面鋪上松葉蟹肉、帆立貝、三文魚籽、海膽等，十分足料。松葉蟹肉鮮味濕潤，帆立貝鮮甜軟滑，三文魚籽粒粒飽滿帶鹹香，海膽甘甜無苦澀味。 .🐮 炙燒牛肉卷 $78師傅席前炙燒，聞到陣陣香味( ˘ ³˘)牛肉帶點油脂肉質柔軟，燒得微微焦香，卷住紫菜青瓜絲等，令口感更豐富。.🐟 蔥粒碎拖羅小卷 $48碎拖羅幼滑軟綿，加埋蔥粒更清爽。.總括而言：店內環境安靜，同街外氣氛完全不同，地方唔算好大但坐得幾舒服。食物用料新鮮，款式有壽司、刺身、丼飯、炸物燒物等，亦有Omakase。喺旺角想靜靜咁食吓日本嘢，呢度係唔錯嘅選擇！
好耐冇食壽司但唔想去一般連鎖店，揀咗高質啲嘅手握壽司(´∇`*)餐廳門面及店內走淺木系簡約日式風格，一邊2人餐枱，一邊日式吧枱，由師傅席前主理。
.
🍣 巧・特上壽司盛合 $228
壽司盛合有中吞拿魚腩、赤身、油甘魚、時令鮮魚3款、帆立貝、墨魚、赤蝦、玉子共10款，件件都好新鮮。中吞拿魚腩魚脂比例適中，肉質油潤嫩滑。帆立貝、赤蝦肉厚飽滿，爽滑鮮甜。所有壽司飯都加入了赤醋，比一般白米醋飯嘅酸度更柔和，味道更香醇濃郁。
.
🦀 北海道丼 $228
丼飯一樣用赤醋壽司飯，飯面鋪上松葉蟹肉、帆立貝、三文魚籽、海膽等，十分足料。松葉蟹肉鮮味濕潤，帆立貝鮮甜軟滑，三文魚籽粒粒飽滿帶鹹香，海膽甘甜無苦澀味。
.
🐮 炙燒牛肉卷 $78
師傅席前炙燒，聞到陣陣香味( ˘ ³˘)牛肉帶點油脂肉質柔軟，燒得微微焦香，卷住紫菜青瓜絲等，令口感更豐富。
.
🐟 蔥粒碎拖羅小卷 $48
碎拖羅幼滑軟綿，加埋蔥粒更清爽。
.
總括而言：店內環境安靜，同街外氣氛完全不同，地方唔算好大但坐得幾舒服。食物用料新鮮，款式有壽司、刺身、丼飯、炸物燒物等，亦有Omakase。喺旺角想靜靜咁食吓日本嘢，呢度係唔錯嘅選擇！
張貼
