BBQ Grilled and Baked (已搬遷) 新店位置

呢間餐廳都hit左好耐😆 聽講佢嘅薯仔沙律好好食，但之前食過好多次，都冇一次係有薯仔沙律呢個choice，今次終於撞啱日子就買咗外賣返公司食😋H餐-焗全隻美國卡珍大雞髀，青檸蒜香汁，配煙肉薯仔沙律 （菜名咁長就係呢間餐廳嘅特色🤣 ）講吓味道，雞髀肉係超！級！滑！係嫩滑到可以用叉扯佢出嚟果隻，雞肉非常入味，青檸蒜香汁唔係好食到酸味，但蒜味就好香；薯仔沙律嘅薯仔質地啱啱好，唔會太軟太硬，沙律醬有少少煙薰嘅香味，加埋洋蔥煙肉好好味🤤BBQ不愧為觀塘區其中一間飯堂😆 食過咁多次食物質素都好穩定，而且每個星期都有新menu，唔會食厭，想試嘅朋友可以去去佢社交平台睇每週menu架👍🏻