職人食事 (已易手) 新餐廳

觀塘區少有嘅日式宵夜，又有同朋友去完海濱搵宵夜搵到呢間。間野細細間，但D刺身大件同新鮮，特別係三文魚同吞拿魚腩，甜蝦超大隻，個左口魚裙邊入口即溶。D燒物都唔錯，有罕見嘅一夜干，幾個人食都覺得大條，雞翼同燒牛扒超正。丼飯叫咗鰻魚飯同吞拿魚蓉飯，鰻魚大塊過飯碗，吞拿魚蓉飯超有黏性，同其他地方食到嘅好唔同。個老闆幾好人，會同你講今日有咩新鮮D，價錢唔算太平但係合理，性價比極高，夜晚同班朋友行完觀塘海濱，去食宵夜吹下水一流。