影片
更多
2019-05-21
260 瀏覽
閒時都會同好姊妹去食好西, 發現一間有米芝蓮一星既法國餐廳當然唔放過, 走入觀塘工廠區, 就喺地鐵站不遠處既電訊一代廣場一上電梯就見到喇。餐廳不小, 座位亦算寬敞, 後方仲有個玻璃望到廚師煮野食添, 店員安排我地坐梳化位置比較舒服, 介紹有"Tasting Menu"同"Set Dinner"選擇, 我地就揀咗"Set Dinner"。法國餐點少得有熱辣辣既麵包, 提供有兩款, 一款咸一款帶果乾少少甜, 牛油醬帶有香草蒜味, 搽喺咸白麵包好好食。 食哂麵包的話, 店員都細心問需唔需添加麵包, 也可留肚食其他野。🔸忌廉南瓜濃湯伴香煎帶子配黑松露忌廉幾樣食材都係我喜愛的, 煎到黃金色既帶子同黑松露忌廉會先用湯碟上, 而南瓜濃湯會由店員添加, 保持最新鮮呈現眼前。 第一次品嚐黑松露加南瓜湯又幾夾, 唔會互搶對方既位置, 帶子亦好嫩滑肥美。🔸烤澳洲牛柳配黑松露薯蓉及小甘筍厚厚既牛柳好有驚喜, 我地要七成熟剛好, 味道濃郁而肉質軟又嫩, 碟邊既芥末醬當然係牛肉既好朋友。食完主菜就係想加一點甜, 上網見餐廳甜品都好吸引, 就叫咗"開心果芭菲配燉梨肉伴檸檬忌廉", 好特別既甜品, 擺盤好精緻, 開心
餐廳不小, 座位亦算寬敞, 後方仲有個玻璃望到廚師煮野食添, 店員安排我地坐梳化位置比較舒服, 介紹有"Tasting Menu"同"Set Dinner"選擇, 我地就揀咗"Set Dinner"。
法國餐點少得有熱辣辣既麵包, 提供有兩款, 一款咸一款帶果乾少少甜, 牛油醬帶有香草蒜味, 搽喺咸白麵包好好食。 食哂麵包的話, 店員都細心問需唔需添加麵包, 也可留肚食其他野。
🔸忌廉南瓜濃湯伴香煎帶子配黑松露忌廉
幾樣食材都係我喜愛的, 煎到黃金色既帶子同黑松露忌廉會先用湯碟上, 而南瓜濃湯會由店員添加, 保持最新鮮呈現眼前。 第一次品嚐黑松露加南瓜湯又幾夾, 唔會互搶對方既位置, 帶子亦好嫩滑肥美。
🔸烤澳洲牛柳配黑松露薯蓉及小甘筍
厚厚既牛柳好有驚喜, 我地要七成熟剛好, 味道濃郁而肉質軟又嫩, 碟邊既芥末醬當然係牛肉既好朋友。
食完主菜就係想加一點甜, 上網見餐廳甜品都好吸引, 就叫咗"開心果芭菲配燉梨肉伴檸檬忌廉", 好特別既甜品, 擺盤好精緻, 開心果芭菲帶有杏仁味, 不會太甜, 加上甜甜既燉梨肉同酸酸既檸檬忌廉, 平衡了味道, 一齊食更好味。 最後還有曲奇餅乾配飲品, 同閨蜜一齊享受美食既時光。
工廠區有呢個質素既餐廳確實罕見, 難怪係米芝蓮餐廳, 最喜歡座位寬敞傾計都舒服啲。
張貼
