影片
更多
2018-07-16
150 瀏覽
來到週日，今天最重要嘅任務就係陪小鬼去新屋度尺、睇裝修同傢俬，由於時間尚早，老公提議不如一家人先去觀塘飲茶，再繼續行程。記得位於港鐵站附近嘅鱷魚恤中心，入面有唔少酒家，本來打算近近哋去嗰度搵食，不過原來小鬼另有目標，說要帶我哋去試新「茶」點。原來這個鬼靈精之前喺宏利做 intern 嘅時候，曾經去過大廈入面一間叫「囍雲天」嘅酒家飲茶，覺得店裡嘅點心，水準唔錯，所以想同我哋去試下。酒樓位於偉業街宏利金融中心1樓，地點雖然唔算好就腳，但地方頗大，而且裝修都幾有氣派。先細看星期日午市點心價目表，小點：$20.8、中點：$28.8、大點：$34.8、精點：$35.8、特點：$36.8，茗茶每位：$12，點心價錢同一般酒樓相若，不過這裡午市點心、粉、麵、飯、小菜有九折優惠，而下午茶更低至七折，套餐/特價食品及海鮮不設任何折扣優惠。率先送上的雪山餐包 (中點)，外形脹卜卜，包皮用上墨西哥包的沙糖面，以牛奶、忌廉和蛋白製成。外皮食落非常香脆，包身鬆軟，而內裡叉燒餡亦甚多。七味魷魚鬚 ($78)，魷魚鬚一向是小鬼嘅至愛，而這裡的魷魚鬚亦做得很不錯，炸漿夠薄，七味粉的調味不會過搶，魷魚鬚軟熟不韌，彈牙有
來到週日，今天最重要嘅任務就係陪小鬼去新屋度尺、睇裝修同傢俬，由於時間尚早，老公提議不如一家人先去觀塘飲茶，再繼續行程。記得位於港鐵站附近嘅鱷魚恤中心，入面有唔少酒家，本來打算近近哋去嗰度搵食，不過原來小鬼另有目標，說要帶我哋去試新「茶」點。原來這個鬼靈精之前喺宏利做 intern 嘅時候，曾經去過大廈入面一間叫「囍雲天」嘅酒家飲茶，覺得店裡嘅點心，水準唔錯，所以想同我哋去試下。
酒樓位於偉業街宏利金融中心1樓，地點雖然唔算好就腳，但地方頗大，而且裝修都幾有氣派。
先細看星期日午市點心價目表，小點：$20.8、中點：$28.8、大點：$34.8、精點：$35.8、特點：$36.8，茗茶每位：$12，點心價錢同一般酒樓相若，不過這裡午市點心、粉、麵、飯、小菜有九折優惠，而下午茶更低至七折，套餐/特價食品及海鮮不設任何折扣優惠。
率先送上的雪山餐包 (中點)，外形脹卜卜，包皮用上墨西哥包的沙糖面，以牛奶、忌廉和蛋白製成。外皮食落非常香脆，包身鬆軟，而內裡叉燒餡亦甚多。
七味魷魚鬚 ($78)，魷魚鬚一向是小鬼嘅至愛，而這裡的魷魚鬚亦做得很不錯，炸漿夠薄，七味粉的調味不會過搶，魷魚鬚軟熟不韌，彈牙有嚼勁，好食。
接著是一客鮮蝦菜苗餃 (大點)，菜苗餃外皮很薄，而且包得甚為緊緻，看起來晶瑩剔透。餡料方面，下得亦相當重手，非常飽滿，蒸完仍然可以輕易挾起，吃起來不黐口，咬下去能感受到菜汁融和著蝦的鮮甜。
鮮蝦炸雲吞 (中點)，雲吞皮炸至金黃色，入口脆卜卜，裡面嘅蝦肉食落鮮甜彈牙，配上橙紅色的甜酸汁吃，美味。
即燒即製叉燒腸 (大點)，這碟腸粉的外皮雖然唔算好薄，但入面的叉燒餡十分充實，吃起來肥瘦均稱，而且調味得宜，令人吃得愜意。
香濃芋絲餅 (中點)，芋絲餅面頭煎得很香脆，底層的芋頭用料十足，呈一絲絲互相緊扣，咬下啖啖粉嫩黏糯，而且質感毫不死實，蘸點喼汁吃，非常美味。
最後以蛋白杏仁茶 ($38) 作結，杏仁茶即叫即做，質感幼滑又濃稠，杏仁味極香濃，而且飲落仲有微微蛋白香，水準甚佳。整體來說，點心水準唔錯，價錢又唔算貴，如果嚟飲下午茶，仲有七折，非常抵食。
張貼
