The Stadium (已結業)

之前都黎食過晚餐，今次就中午黎，之前夜晚都好多人要排好耐隊，不過今日我過左lunch hour 黎就唔洗等喇。人多同人少個氣氛又好唔同，夜晚係好熱鬧，睇波飲酒，下午就係休閒chill relaxing, 同朋友黎食tea 傾下計都幾唔錯。黑松露薯條係必嗌小食，香脆薯條面頭好多芝士粉，再加埋佢分開上嘅黑松露醬，每一啖都充滿左黑松露，好香，完全係停唔到口。我地三個人叫左2個餐加2個小食。眼淚扒叫左五成熟，本身朋友都驚會硬，不過出黎覺得岩岩好，唔太生，又唔會硬，好林好多肉汁。另外一個小食就係chicken finger, 我朋友話食落去以為食緊炸魚，因為話食落去雞柳好嫩滑，唔粗唔乾，香脆可口。而雞柳亦都好大條，已經飽左大半。最後一樣就係車輪意大利粉，佢個番茄汁會有小小辣。但係配岩入面碎碎parma ham,個味道好夾👍🏻車輪粉每一個輪都吸左好多汁，好味👍🏻跟餐亦會送飲品，我地叫左佢推介嘅rosemary lemonade, 完全估品到係咁靚，一層一層顏色，不過記得要搞好，如果唔係就會太甜喇個底。