影片
更多
2021-05-27
990 瀏覽
觀塘開源道，作為全香港其中1個塞車既黑點，每晚收工既時間永遠都係人來人往 (如果你想稍為行快少少都無可能)。響鬧市中入面搵1間相對寧靜既西餐廳都有難度，今晚小編與朋友們就響隔離成業街就搵到呢間Comfy by Chef's Stage。Chef Stage呢個品牌既餐廳以前響荃灣﹑元朗個陣都係屬於高質素既餐廳 (還記得以前每次用餐都會食車打芝士漢堡類既產品，因為漢堡扒既肉汁真係好多好吸引)，所以響觀塘見到個陣都有唔少期待。7:30到達後，坐位都算多情況下剛巧滿座，所以小編都等左大約20分鐘先有枱。基於防疫既考慮，餐廳都以無接觸 (即電話直接掃瞄QR Code)落單。今晚連小編自己總共有3位朋友一齊晚餐，就當然可以點選更多既菜式一同分享品嚐!1) 慢煮手撕雞肉燒烤醬薄餅 ($118)：好味! 燒烤醬濃郁，雖然手撕雞份量唔算多，但配搭燒烤醬都算惹味，而菠蘿及沙律菜就可以中和少少燒烤醬既濃味；餅底偏硬所以切個陣要小心，而偏硬既餅邊小編就唔太鍾意喇!2) 美國牛肩胛板鍵扒 ($168)：還可以。兩塊牛扒取自唔同部位，但牛板鍵個塊偏向多筋，令到切既時候，以至食個陣都會比較難咬，相對會失色不少。而
Chef Stage呢個品牌既餐廳以前響荃灣﹑元朗個陣都係屬於高質素既餐廳 (還記得以前每次用餐都會食車打芝士漢堡類既產品，因為漢堡扒既肉汁真係好多好吸引)，所以響觀塘見到個陣都有唔少期待。
7:30到達後，坐位都算多情況下剛巧滿座，所以小編都等左大約20分鐘先有枱。基於防疫既考慮，餐廳都以無接觸 (即電話直接掃瞄QR Code)落單。
今晚連小編自己總共有3位朋友一齊晚餐，就當然可以點選更多既菜式一同分享品嚐!
1) 慢煮手撕雞肉燒烤醬薄餅 ($118)：好味! 燒烤醬濃郁，雖然手撕雞份量唔算多，但配搭燒烤醬都算惹味，而菠蘿及沙律菜就可以中和少少燒烤醬既濃味；餅底偏硬所以切個陣要小心，而偏硬既餅邊小編就唔太鍾意喇!
2) 美國牛肩胛板鍵扒 ($168)：還可以。兩塊牛扒取自唔同部位，但牛板鍵個塊偏向多筋，令到切既時候，以至食個陣都會比較難咬，相對會失色不少。而蔬菜餅配搭牛肉汁既感覺都幾好 (雖然可能考慮到避免散開而令蔬菜餅煎出黎比較硬身)。
3) 黑松露雜菌意大利飯 ($118)：推介! 一上碟就聞到陣陣黑松露香味，而意大利飯煮出黎唔會太淋而食到一粒粒充滿黑松露醬汁。意大利飯並唔會因為無肉而變得淡味，反而會因為不同菇類同黑松露既香味令層次感好豐富。
4) 脆炸香草雞配薯條 ($68)：好味! 上碟既時候我地都以為脆炸雞會比較乾身，但其實只係因為上面灑上香料而令顏色變深，配上蜜糖芥末醬就唔會令你覺得太油膩。
5) 雲尼拿芝麻鮮奶 ($38)：有特色! 相信大家聽到雲尼拿及芝麻，就一定會想像到黑色與白色既融合，但響呢杯特色鮮奶就將你既印象完全改變 - 藍色既鮮奶飲落去，係陣陣已磨碎既芝麻香味 (咁當然一定唔係平時打邊爐既芝麻醬味，而係清新既香味)。所以芝麻其實只係隱藏於藍色既雲尼拿內，呢個外觀令小編與朋友們都覺得深刻。
6) 紫薯鮮奶 ($38)：特色! 相對雲尼拿芝麻，紫薯就好直接既融入鮮奶內調製，紫薯味道唔算太濃烈，會傾向當成1杯有紫薯香味既鮮奶品嚐會比較正確。
7) 冰磚偽鴛鴦 (原味$45)：唔建議。睇到英文介紹會理解為咖啡磚配於朱古力內，但唔知點解飲落去既感覺，會覺得似真係由咖啡冰沖至濃奶茶既感覺，令到整杯飲品變得有點苦澀而單一既味道，可能小編都唔太理解個真正製法而誤會吧。
張貼
