十八座狗仔粉 (已結業)

今晚我又小食當晚餐，返到屋企附近經過此店買來食下，店舖位於大街轉角位好顯眼，店內環境昏晚我望到都唔想入去坐，都係外賣算。買左火鴨翅、黑白炸丸和魚肉燒賣，而狗仔粉我住望張相見啲粉幾油膩唔所以唔食。火鴨翅 ($30)同一般碗仔翅味道有點分別，湯底無咁油無咁漿口味無咁重，有好多好幼的肉絲和好爽的木耳絲，食到小片鴨肉碎無咩無特別，食唔到有仿翅粉絲狀物體，感覺欠啲口感，整體味道不錯食完唔口乾。魚肉燒賣 ($12)燒賣有7粒，味道一般無咩魚肉味，都係豉油味搭夠。黑白炸丸 ($18)香菇貢丸及墨魚丸各兩粒價錢略貴，香菇貢丸好香咬落有肉汁；墨魚丸味道口感也毫不遜色，都係好香丸內仲有墨魚粒，好彈牙好有咬口，細啖細啖品嚐好美味。