壹.01

營業中

休息中

台灣野成日食，呢間由幾個年青人合資的新派創意台灣食物的確令我驚喜。佢哋最出名嘅係芒果魯肉飯。一般魯肉飯嘅引象都係又濃又咸，呢度D魯肉加入切碎的五花腩，加強口感之餘，加入咗又靚又甜嘅芒果同埋走咗咸味嘅雪菜，平衡返油膩感。佢哋亦有其他魯肉飯、排骨飯、牛肉飯、手撕雞飯。可以配搭紫菜、薑蔥等。除咗飯仲有地道台灣小食、冬瓜茶、奶茶等。可以試吓佢哋嘅手作芋頭鮮奶，沒有加入冰，可以飲出奶香同芋頭味。芋泥咁出色，一定要試埋芋泥肉鬆蛋餅。芋泥同肉鬆呢個經典組合加埋煎到脆身嘅蛋餅，非常好食。芋泥份量好足，記住同朋友一齊分享呀。