影片
更多
2022-10-19
50 瀏覽
行完觀塘嘅特色工廈商場已經接近5點, 就直接過嚟呢間店舖食個早晚飯, 呢間小店係响觀塘工作嘅朋友推介, 話呢喥CP值高喎😃🥢壹01芒果魯肉飯＄58👍齋睇賣相已經冇得輸, 裡面當然有一舊舊好入味嘅滷肉, 另外仲有肉燥, 增加層次, 肉汁濃而不咸, 滷肉嘅濃味配搭芒果🥭嘅香甜, 非常合拍, 另外仲有菜脯, 椰菜及大量蔥做配菜, 菜脯小小甜甜辣辣, 如果鍾意食蔥嘅朋友仲可以選擇多蔥, 成碗飯有肉有生果又有菜, 好食又靚仔, 不愧為招牌菜😋🥢特盛薑蔥手撕雞飯＄75👍特盛超多手撕雞🐔, 肉質嫩滑而且帶有少少沙薑香味, 味道啱啱好唔會太鹹, 配料超多, 有鵪鶉蛋, 台灣腸, 麵根花生, 椰菜, 西蘭花, 菜脯粒, 雪菜及大量薑蔥, 鐘意食蔥嘅朋友又係可以選擇多蔥, 呢碗特盛飯食完非常大滿足😋🥢小食拼盤（台灣腸、花枝丸、鹽酥雞）＄39👍花枝丸爽彈, 裏面仲有細細粒嘅花枝好有口感; 鹽酥雞雞肉嫩滑而且爽彈 juicy; 臺灣腸皮脆仲帶有甜甜地嘅蜜糖味; 呢個臺灣小食拼盤炸得熱辣辣又唔油膩, 三樣小食都好食😋🥢芋泥肉鬆脆皮蛋餅＄39👍本來以為肉鬆及芋泥喱個配搭好似好重口味, 但係食落又唔覺得好邪惡, 芋
🥢壹01芒果魯肉飯＄58👍
齋睇賣相已經冇得輸, 裡面當然有一舊舊好入味嘅滷肉, 另外仲有肉燥, 增加層次, 肉汁濃而不咸, 滷肉嘅濃味配搭芒果🥭嘅香甜, 非常合拍, 另外仲有菜脯, 椰菜及大量蔥做配菜, 菜脯小小甜甜辣辣, 如果鍾意食蔥嘅朋友仲可以選擇多蔥, 成碗飯有肉有生果又有菜, 好食又靚仔, 不愧為招牌菜😋
🥢特盛薑蔥手撕雞飯＄75👍
特盛超多手撕雞🐔, 肉質嫩滑而且帶有少少沙薑香味, 味道啱啱好唔會太鹹, 配料超多, 有鵪鶉蛋, 台灣腸, 麵根花生, 椰菜, 西蘭花, 菜脯粒, 雪菜及大量薑蔥, 鐘意食蔥嘅朋友又係可以選擇多蔥, 呢碗特盛飯食完非常大滿足😋
🥢小食拼盤（台灣腸、花枝丸、鹽酥雞）＄39👍
花枝丸爽彈, 裏面仲有細細粒嘅花枝好有口感; 鹽酥雞雞肉嫩滑而且爽彈 juicy; 臺灣腸皮脆仲帶有甜甜地嘅蜜糖味; 呢個臺灣小食拼盤炸得熱辣辣又唔油膩, 三樣小食都好食😋
🥢芋泥肉鬆脆皮蛋餅＄39👍
本來以為肉鬆及芋泥喱個配搭好似好重口味, 但係食落又唔覺得好邪惡, 芋泥綿密幼滑加埋肉鬆嘅纖維口感非常之夾, 中層嘅蛋片好香蛋味, 最外層嘅薄皮軟糯Q彈得嚟又有少少脆口, 就算真係邪惡都要試下😋
🧋零冰手作芋頭鮮奶（中）＄48👍
上層嘅鮮奶濃香滑溜, 下層嘅芋頭蓉足料夠多而且綿密幼滑, 芋頭味濃, 裏面仲有好細粒嘅芋粒增添口感, 芋頭蓉唔甜, 攪勻黎飲, 整體平衡而質感豐富, 亦都係因為零冰嘅關係, 豐盈嘅口感唔會越飲越稀, 抵讚😋
🥤雙檸冬瓜茶（大）＄42👍
好清香嘅冬瓜味, 而且好特別地配上青檸及檸檬, 配搭清新醒神, 因為唔甜所以飲到原材料嘅味道😋
🤩呢間小店嘅食物, 睇得出無論响食材嘅配搭, 調味及賣相都花咗好多心思, 而且食物嘅份量絕對唔欺場😋
另外, 最抵嘅就係飲品有半價優惠🤑, 而且14:30後入座全單有九折🤑, 堂食仲要免收加一添🤑, 以上食品及飲品價格皆為原價, 所以折後抵食, 絕對可以encore🙋♂️🙋♀️🙋
魚堅總評
性價比 4👍
(以5👍為滿分)
張貼
