影片
更多
2016-06-24
1846 瀏覽
放工去左觀塘搵老友，行左一陣我已經叫哂肚餓，咁緊係問下響觀塘返工既佢有咩好推介啦！佢知我鍾意食放題，就帶左我黎依一間。地點黎講都算方便，就響APM隔離，行完街買完野想食餐飽既就夠哂就腳。間野響八樓，佔地全層算幾大，行去座位時我仲見到有獨立間開既房，方便想要少少私人空間既朋友聚會添！不過我地今次只係walk-in，人又唔多，當然冇份坐啦放題最緊要係多野食，依間就滿足到啦！咁多張落單紙又有唔同款式既野，黎幾次都隨時未試得哂！值得一提既係佢地d野飲唔係間間放題都有，例如道地蘋果茶，又有樽裝咸柑桔咁，絕對係一個加分位刺身上檯，唔似好多放題會就咁堆到好大兜，依度d刺身新鮮之餘又砌得靚，食落心情都靚d啦熟食方面依間都好多選擇，有蟹粥簡直係驚喜！煲得好綿，叫完一份之後我忍唔住再encore多次響menu見到見到有鮑魚海鮮炒飯，好奇叫左一份黎試，飯粒炒得幾香幾乾身分明，又有鮑魚粒，只係太細兜，不過唔緊要啦，放題就係要試多d野，真係覺得唔夠咪再叫多d手卷壽司天婦羅都有叫d，不過就冇影相，因為一上檯我老友已經閃電手夾走幾件，天婦羅炸得幾好又冇油溢味，抵讚！食到最尾會有一人一杯哈根達斯雪糕，為晚餐劃上完滿句
地點黎講都算方便，就響APM隔離，行完街買完野想食餐飽既就夠哂就腳。
間野響八樓，佔地全層算幾大，行去座位時我仲見到有獨立間開既房，方便想要少少私人空間既朋友聚會添！不過我地今次只係walk-in，人又唔多，當然冇份坐啦
放題最緊要係多野食，依間就滿足到啦！咁多張落單紙又有唔同款式既野，黎幾次都隨時未試得哂！值得一提既係佢地d野飲唔係間間放題都有，例如道地蘋果茶，又有樽裝咸柑桔咁，絕對係一個加分位
刺身上檯，唔似好多放題會就咁堆到好大兜，依度d刺身新鮮之餘又砌得靚，食落心情都靚d啦
熟食方面依間都好多選擇，有蟹粥簡直係驚喜！煲得好綿，叫完一份之後我忍唔住再encore多次
響menu見到見到有鮑魚海鮮炒飯，好奇叫左一份黎試，飯粒炒得幾香幾乾身分明，又有鮑魚粒，只係太細兜，不過唔緊要啦，放題就係要試多d野，真係覺得唔夠咪再叫多d手卷壽司天婦羅都有叫d，不過就冇影相，因為一上檯我老友已經閃電手夾走幾件，天婦羅炸得幾好又冇油溢味，抵讚！
食到最尾會有一人一杯哈根達斯雪糕，為晚餐劃上完滿句號。總括黎講係一次唔錯既晚餐！
張貼
