影片
更多
2020-02-01
88 瀏覽
觀塘工廠區既餐廳五花八門，多數係不太昂貴既餐廳，但原來觀塘有一間高級鐵板燒餐廳，一睇門面已經知道與眾不同。不過離地鐵站有點距離，大概十分鐘路程。板神空間超大，入面有二至三間獨立房間，每間房有九個座位。如果多人可以舉辦私人聚會，餐廳用既餐具亦非常別緻。一人套餐總共有兩款，價錢分別$580同$880，另外可以追加食材。我同女友食飯宗旨一向「唔貴唔食」，所以每人叫左一個$880既套餐。首先有沙律同漬物，沙律用上兩至三款菜，另外加上粟米同蕃茄，簡單單單，酸度適中。至於漬物分別有醃白蘿蔔、牛蒡同紅大根。師傅向我地簡單講解套餐既食材，圖中為龍蝦同銀鱈魚，咁大隻既龍蝦令人食指大動。第一道菜係龍蝦，師傅用左牛油、蝦膏同特別炮製既蝦醬烹調而成。龍蝦肉肉質彈牙。味道鮮甜，加左蝦膏同蝦醬令味道更濃郁。最後我連碟上剩餘既蝦膏都一掃而空。第二道菜係煎銀鱈魚配蘆筍、冬菇同紅椒。師傅用純熟既刀功盡量將魚骨整走。魚肉仍然非常完整，外皮非常香脆，肉質肥美滑溜。第三道菜係日本A5宮崎和牛薄燒。和牛大片得非常誇張，一片足足有我兩隻手size咁大。一片和牛可整成兩件，所以一共有四件和牛薄燒。和牛薄燒入面有香蒜片同葱花，蒜香片
一人套餐總共有兩款，價錢分別$580同$880，另外可以追加食材。我同女友食飯宗旨一向「唔貴唔食」，所以每人叫左一個$880既套餐。
首先有沙律同漬物，沙律用上兩至三款菜，另外加上粟米同蕃茄，簡單單單，酸度適中。至於漬物分別有醃白蘿蔔、牛蒡同紅大根。
師傅向我地簡單講解套餐既食材，圖中為龍蝦同銀鱈魚，咁大隻既龍蝦令人食指大動。
第一道菜係龍蝦，師傅用左牛油、蝦膏同特別炮製既蝦醬烹調而成。龍蝦肉肉質彈牙。味道鮮甜，加左蝦膏同蝦醬令味道更濃郁。最後我連碟上剩餘既蝦膏都一掃而空。
第二道菜係煎銀鱈魚配蘆筍、冬菇同紅椒。師傅用純熟既刀功盡量將魚骨整走。魚肉仍然非常完整，外皮非常香脆，肉質肥美滑溜。
第三道菜係日本A5宮崎和牛薄燒。和牛大片得非常誇張，一片足足有我兩隻手size咁大。一片和牛可整成兩件，所以一共有四件和牛薄燒。
和牛薄燒入面有香蒜片同葱花，蒜香片令口感更豐富，和牛非常香口肥美。另外油脂係煎既時候完全釋放曬出嚟，下面既麵包可以有助吸收部份油脂，食落無咁油膩，唔知有冇人會食埋片麵包呢🤔
師傅用左龍蝦頭製成麵豉湯，麵豉頭聞落有陣陣龍蝦香味，不過飲落既時候龍蝦味不太明顯。龍蝦頭仲有少少蝦肉，我當然唔會浪費。
和牛炒飯除左和牛作為材料，另外仲有煙肉、洋蔥、蘿蔔同蛋。飯粒炒至金黃色，而且粒粒分明，穫氣十足。
最後有兩道甜品，包括砂糖多士同芝麻雪糕。砂糖多士係鐵板燒中必有既甜品，外皮金黃香脆，非常吸引。製作過程中師傅係多士上灑上大量砂糖，但其實多士只會吸引表面既砂糖，所以味道唔會過甜。
隨著晚餐既進行，餐廳送上既茶會愈嚟愈濃味，以此配合不同食物，可謂非常用心。
整個用餐體驗非常滿意，食物水準高不在話下，侍應服務亦相當體貼。香港現時處於人心惶惶既情況，客人外出用餐時未必會去餐廳既廁所，不過板神既餐廳非常乾淨，而且具備殺菌洗手液，所以大家可以安心使用。
張貼
