橋田臺灣牛肉麵 (已搬遷) 新店位置

今早大眾又討論超級颱風「山竹」，突然靈光一閃，提議encore台灣牛肉麵。話說前两日食過台灣牛肉麵，至今對其香味仍念念不忘。今次醒爬啦，早少少去。果然唔使等，一坐低，大伙兒都點牛肉麵。招牌菜！我對其麵身麻麻地中意，於是叫招牌牛肉飯。牛肉(半筋半腩)真係冇得輸，又香又冧又入味！正！跟飯有配菜，即係芽菜青瓜。加點纖维，健康下啦。跟餐有杯凍綠茶，係一杯有茶色凍水，清淡清新。同事加8蚊改珍珠奶茶，冇讚好亦有投訴，中評。