燒肉の牛太・本陣 (創紀之城五期(apm))

營業中

休息中

今日原本諗住食呢間同老公慶祝生日，想book時已得返4:30先有位，叫左個$299per head 呢啲中間價位既餐，開始食之後發覺好左order左都冇黎，尤其是厚切牛舌同腸仔呢兩樣最想食既，黎親都係牛胸腹呢d部位，催又催過好多次，再重新點又試過幾次。後尾阿姐見我地追左咁多次都冇黎，人手幫我問廚房攞左四塊牛舌，之後因為好多野冇黎，我地淨係食牛胸腹個類位置同豬食到差唔多七八成飽，係最後半個鐘佢先瘋狂上返晒之前order左冇到既牛舌同想食既牛肉位置，包括我地剛剛入座叫既野食，通常最想食個d係第一轉order, 但好多都漏單冇黎，真心堅嬲，由佢開業幫襯到而家，愈做愈差，雪魚胃由有提供到次次黎都話賣晒到後尾直情cut埋唔提供，今次黎，啲牛全部縮左水又薄，一條大既牛肉比你自己剪呢隻歌仔已成回憶，都唔知佢仲比把較剪我做乜？因為野食愈來愈少又縮水，牛肉全部一係薄一係細件，厚牛舌又薄左變左普通牛舌（唔知普通薄牛舌會唔會變左紙咁薄），今日又狂漏單，我老公講左唔想再黎。