百里香 (已易手) 新餐廳

成日聽到某幾個同事話lunch又食左百里香，我真係好好奇點解佢地可以食極唔厭，到底有咩美食可以令佢地無限encore呢今日終於約齊腳，如同事仔去試下。百里香位於熟食中心既樓，上樓梯轉個彎就見到。唔好以為係街市入面就會好熱啊，其實佢鋪頭內有冷氣同風扇，唔會焗促，不過小小既空間人多枱多，坐落都唔係好舒服。聽聞百里香既薄餅好好食，所以我叫左個墨西哥BBQ煙燻豬絲芝士薄餅配莎莎醬。餐牌寫係即叫即整，大概等左5分鐘，職員就送上羅宋湯+一片細蒜蓉包，羅宋湯好足料，西芹、黃椒、蕃茄粒樣樣齊。再等多10分鐘，主角出場啦～一份餐有4塊薄餅，上面加左酸忌廉，側邊放左莎莎醬+椰菜沙律。餅皮烤到帶輕微金黃色，唔會過燶，薄餅內夾住用bbq醬醃過既豬肉絲，仲加左芝士係入面，新鮮出爐，可以做到拉絲既效果。豬肉絲醃得入味，亦唔"鞋"。男仔食哂4塊可能都未夠飽，呢個份量女仔食就岩岩好整體黎講，百里香既菜式幾特別，而且佢地餐單每一星期都會轉換一次，打工仔日日去食都唔會悶，而且價格相宜，跟餐湯包野飲都只係50蚊內，絕對稱得上係良心小店