影片
更多
2017-08-27
1983 瀏覽
星期六下午，諗住去觀塘行街食野。上網search下午茶自助餐，找到這間餐廳的廣告，有多款港式小食、日韓美食，就過黎試下。2:50pm黎到，原來只係小店舖，只有十張枱左右。而我地入坐時只有另一枱客食緊（到我地走都再無客入黎⋯）坐低後就收到呢張點餐紙 開頭都覺得好少野食，無晒網上介紹嘅碗仔翅、韓式芝士炸雞果啲，不過反正黎到都無謂走啦⋯⋯但實在好後悔！太伏了，我一定要花時間係呢度公開佢地嘅生意手法，以免其他人受害！！！放題得一張紙嘅選擇已經少，而且右下方的食物仲要係 限 點 四 款！你無睇錯，放題唔係任點任食，係限你每人只可點四款，而且食完不可再encore! 而且啲野仲要唔係貴價嘢，只係雞奕、豆腐、芝士腸果啲。一百蚊只可以食兩件雞奕，無言。而我點咗嘅其中兩款食物到最後都無黎，到畀錢個刻忍唔住問佢，佢先話缺貨，仲講到我地唔追即係唔需要，唔追係我地唔啱咁，咁做生意真係仲有人會幫襯？！其他人吹捧嘅自製雞蛋仔完全不值一提，蛋醬太稀不易成型，而甚麼窩夫可麗餅都是用同一瓶蛋醬，但配料只有cream及朱古力醬，牆壁上的圖片：生果粒等等都不見終影。 棉花糖：壞機紫薯西米撈係無出現過的。叫咗個紫薯小食拼盤，
2:50pm黎到，原來只係小店舖，只有十張枱左右。而我地入坐時只有另一枱客食緊（到我地走都再無客入黎⋯）
坐低後就收到呢張點餐紙
開頭都覺得好少野食，無晒網上介紹嘅碗仔翅、韓式芝士炸雞果啲，不過反正黎到都無謂走啦⋯⋯但實在好後悔！太伏了，我一定要花時間係呢度公開佢地嘅生意手法，以免其他人受害！！！
放題得一張紙嘅選擇已經少，而且右下方的食物仲要係 限 點 四 款！你無睇錯，放題唔係任點任食，係限你每人只可點四款，而且食完不可再encore! 而且啲野仲要唔係貴價嘢，只係雞奕、豆腐、芝士腸果啲。一百蚊只可以食兩件雞奕，無言。
而我點咗嘅其中兩款食物到最後都無黎，到畀錢個刻忍唔住問佢，佢先話缺貨，仲講到我地唔追即係唔需要，唔追係我地唔啱咁，咁做生意真係仲有人會幫襯？！
其他人吹捧嘅自製雞蛋仔完全不值一提，蛋醬太稀不易成型，而甚麼窩夫可麗餅都是用同一瓶蛋醬，但配料只有cream及朱古力醬，牆壁上的圖片：生果粒等等都不見終影。 
棉花糖：壞機
紫薯西米撈係無出現過的。
叫咗個紫薯小食拼盤，無黎到。
流心紫薯西多士，即係茶餐廳的花生醬西多，不過比平時更多油。
紫菜shake shake薯條，叫咗無黎到。
冷烏冬，叫一個黎三個。
瑞士汁撈麵，唉，浪費食物之作。
基本上叫咗一次野食已經畀錢走。
從未試過咁伏嘅放題，後悔到死，早知畀多廿蚊去酒店食tea buffet好過。
血的教訓，花咁多時間打，真心希望其他人唔好再上當。
張貼
