Are U Labeler

營業中

休息中

上網見好多好平就入嚟試吓，入嚟食個early dinner。入到去冇乜人，可能因為太早，入面啲員工喺度玩緊手機，心諗冇乜人Hea下都好正常。然後我哋叫咗一個忌廉菠菜三文魚闊條麵同埋蜜糖芥末雞翼，仲有燒春雞。開頭兩樣都唔錯，但係估唔到隻燒春雞勁辣，但係佢餐牌完全冇寫係辣嘅，因為我從來都冇食過辣嘅燒春雞，所以都冇為意。然後我哋同服務員講，話個餐牌冇寫，佢講咗一句係呀，然後望一望個餐牌，就行開咗。我哋再同收銀嗰個阿姐講，佢淨係點一點頭，一句唔好意思都冇講，態度好差，真心失望。走嗰陣時諗住喺門口用酒精搓手液搓手，結果係用晒嘅，仲要有好多好細嘅搓手液吉樽，完全冇清理過，真係覺得好Hea，搓手液都唔換。應該唔會再幫襯。