小南國 (已結業)

跟男友好事近雙方家長會面，星期日沙田區飲茶太誇張喇，唯有轉呔揾間要等開門嘅食肆，就一定有位。5個人點四人套餐費事諗小食風味三拼揀左木耳、醉雞同海蜇木耳味道微酸有香蒜味，好味；醉雞唔太夠味，一般；金瓜絲多過海蜇，口感欠奉，味道只一般。水晶河蝦仁淋點鎮江醋味道似食賽磅蟹不同嘅係蝦爽口有口感，好食。上海全家福我覺得係津白湯不過內容豐富，有包了肉嘅蛋餃、粉絲、魚塊，清淡的味道又飽肚。椒鹽小黃魚好香口魚肉好滑，炸得好出色，但調味方面我覺得重口味，非配飯不可。紅燒肉色水濃郁吸引，味道不致鹹兼炆得好淋有些茶樹菇襯托好好味。扒時蔬無個芡汁就更好好在菜心夠嫩分散注意。小籠包熱辣辣有湯汁皮又薄，讚甜品雪梨燉雪耳唔會好甜，呢個天時食就最適合不過了。