巴巴串

營業中

休息中

觀塘串燒放題🤩 食到停唔到🤤今日同朋友途經過觀塘，又想食串燒又想食海鮮又想食烤肉，咁啱俾我地見到呢間串燒烤肉放題，我地就選左C餐黎食啦！款式都不少架！一入門口就見到有公仔機啦！跟住見到有好多雪糕、飲品櫃、凍海鮮、炸物、涼茶機、自選各款串燒、生果甜品雪櫃同前菜雪櫃。另一邊還有熟食、中式湯及糖水。埋到座位，店員好耐心解釋如何操作及餐紙怎樣填寫，之後就可以開始拎食物啦！餐食上的食物全部已經在廚房整好，一上枱就可以食啦！店員說紅肉記住落爐前灑少許鹽才放落去燒呀！我特別要推介幾款啦🌸雞泡魚乾—燒到香脆，味道帶點甜，想再多吃幾次呀！🌸羊肉串—孜然粉剛好，羊肉味道濃，肉質不錯呀。🌸蒜蓉燒生蠔—滿滿蒜蓉碎包裹著juice生蠔，超正呀！🌸串燒黑魚咀—燒到爽爽脆脆，真係好好味🌸蜜瓜—鮮甜爽口，解油膩一流🌸椰汁糕—鐘意重椰汁味道既不可錯過呀，滑捋捋勁好味。