粉紅水門雞 (中海日升中心) (已結業)

喺中海日升中心呢一度，餐廳唔多，但就比我搵到間幾好食嘅泰國餐廳突然想食水門雞，見呢度嘅食物一啲都唔貴， 就入去試吓喇內在環境非常闊落想食乜嘢自己填先來兩支冷泡白桃烏龍茶，其實唔係真係好凍， 應該係話涼涼地先啱呢個茶非常推薦！好重好香嘅花香味，夏天飲好解渴好舒服😌跟住就嚟水門雞飯，用嘅係即棄碟，同即棄餐具。非常衛生雞肉非常軟滑，醬汁亦都好夾，小辣滷水豬手飯亦都係一樣，皮同肉之間嘅膠質好重，醬汁亦都好濃青木瓜沙律🥗到！用料好新鮮，小辣。唔係太食得辣嘅人都會接受到最後既甜品 芒果糯米飯呢個亦都係非常推薦。暖暖地，甜得來有啲鹹味，好香嘅椰漿。芒果非常新鮮整體來講呢餐飯好開胃，夏天嘅時候冇咩胃口最好就係過嚟呢一度食，前菜、主菜、嘢飲同甜品加埋都係幾十蚊，仲要咁嘅質素，超級抵食！