Pentola (裕民坊YM²) (已結業)

📍Pentola (裕民坊YM²) (觀塘)觀塘協和街33號裕民坊YM² 3樓305號舖晚市兩人套餐，包括2餐湯、2前菜、2主菜和2飲品，有多款選擇僅需$368。前菜有😋酥脆白鯷魚茄子蓉多士，外脆內軟，口感豐富。仲有😋意大利風乾火腿拼盤，有24個月熟成巴馬火腿、莎樂美腸同寇帕火腿，每款火腿都有獨特鹹香風味，送酒一流！主菜我推介😋慢煮牛面頰番紅花意大利飯，牛面頰鮮嫩多汁同番紅花意大利飯完美結合，每一口都帶來無限滿足感。另外仲有😋炭燒安格斯封杯門柳配燒汁薯條，安格斯牛肉質鮮嫩多汁，搭配濃郁燒汁同香脆薯條，真係又邪惡又滿足！甜品揀咗😋提拉米蘇，層層蛋糕、咖啡同忌廉組合，每一口都散發咖啡同忌廉嘅獨特香氣。除咗套餐之外，我仲加咗😋瑪格列達烤酸種披薩，用酸種麵團烤製，配埋番茄醬、羅勒同水牛芝士，每一口都可以品嚐到麵團嘅酸味、番茄醬嘅鮮甜同芝士嘅濃郁。如果你鍾意海鮮，就一定唔可以錯過😋青口配辣蕃茄汁，青口鮮甜同辣蕃茄汁辣辣地結合，絕對係海鮮愛好者嘅最佳選擇！