影片
更多
2023-01-11
71 瀏覽
呢間泰國餐廳位於觀塘裕民坊3樓外面，平日夜晚唔多人坐得好舒服🥰，環境都幾靚，外面有個大平台有啲凳可以坐下！晚餐有個新推出嘅「晚餐四重奏」，價錢$98-$158，套餐有頭盤、是日餐湯、主菜、甜品，有Set A、B、C揀，有唔同菜式選擇。今次揀左2個Set C🤓💕-👉🏻前菜✨泰式生蝦刺身配酸辣青汁每隻生蝦都用個杯仔裝住，浸落啲青汁到🤩賣相好精緻，而且酸辣味更加濃郁，加埋辣椒同蒜片，比平時就咁沾汁入味好多😋，惹味開胃！生蝦亦都好新鮮同鮮甜👍🏻✨凱撒沙律配炭燒雞肉串燒串燒有3串，每串嘅雞肉都大大件，燒得好香，邊邊位仲有啲脆口，肉質幾嫩滑真係唔鞋身，而且全部都係熱辣辣😝 底嘅沙律份量都唔少～👉🏻是日餐湯餐湯係一款清清地嘅肉碎湯，都幾好飲👉🏻主菜✨炭燒肉眼牛丸船麵呢個船麵好吸引，肉眼燒得好靚，件件入面都好粉嫩，肉質軟腍😆 湯底好濃郁帶點甜味，牛丸好彈牙，牛味重又有肉汁！✨泰館大蝦冬陰功湯粉酸酸辣辣就算粉麵多都唔會好膩，蝦肉亦好爽口彈牙，不過兩個主菜相比之下我會比較鍾意炭燒肉眼牛丸船麵🤣👉🏻甜品✨美祿恐龍雪糕雪糕上面有滿滿嘅美祿粉，側邊仲有啲可可脆片，好好味🤤✨椰子芒果雪糕🥥🥭呢個相對冇咁邪惡，味道
-
👉🏻前菜
✨泰式生蝦刺身配酸辣青汁
每隻生蝦都用個杯仔裝住，浸落啲青汁到🤩賣相好精緻，而且酸辣味更加濃郁，加埋辣椒同蒜片，比平時就咁沾汁入味好多😋，惹味開胃！生蝦亦都好新鮮同鮮甜👍🏻
✨凱撒沙律配炭燒雞肉串燒
串燒有3串，每串嘅雞肉都大大件，燒得好香，邊邊位仲有啲脆口，肉質幾嫩滑真係唔鞋身，而且全部都係熱辣辣😝 底嘅沙律份量都唔少～
👉🏻是日餐湯
餐湯係一款清清地嘅肉碎湯，都幾好飲
👉🏻主菜
✨炭燒肉眼牛丸船麵
呢個船麵好吸引，肉眼燒得好靚，件件入面都好粉嫩，肉質軟腍😆 湯底好濃郁帶點甜味，牛丸好彈牙，牛味重又有肉汁！
✨泰館大蝦冬陰功湯粉
酸酸辣辣就算粉麵多都唔會好膩，蝦肉亦好爽口彈牙，不過兩個主菜相比之下我會比較鍾意炭燒肉眼牛丸船麵🤣
👉🏻甜品
✨美祿恐龍雪糕
雪糕上面有滿滿嘅美祿粉，側邊仲有啲可可脆片，好好味🤤
✨椰子芒果雪糕🥥🥭
呢個相對冇咁邪惡，味道清清地😝 側邊有幾粒奶凍，可以淋埋酸酸甜甜嘅芒果醬！
👉🏻飲品
✨芒果青檸梳打
杯嘢飲賣相幾靚，芒果味好突出👍🏻
✨生薑木橘子果茶
-
額外嗌左：
✨香葉肉碎生菜包 $78
肉碎份量好多😍 多到啲生菜都唔夠包，適合3至4人食！加左唔同嘅香料炒得好香，辣度適中，好惹味🤤
張貼
