泰泰 (已結業)

放假同喺官塘做嘢嘅朋友食個快閃lunch!!佢聽聞有一間新開嘅泰式小店唔錯，就帶埋我去探店～招牌遊船河～基本上佢就係一個雜薈，有豬紅、幾款肉丸、肉片、蘿蔔⋯⋯當中冬陰功湯底需要加$10， 但絕對值得！酸辣度恰到好處～扎肉船河～扎肉非常厚切，而且帶有極濃黑椒味，係黑椒控必食item，而且肉質結實，口感一流！ ✳️重點✳️用上正宗泰國地道嘅河粉！形態呈塊狀，滑溜之餘帶有微微嚼勁‼️飲品方面，我點咗龍眼冰，味道夠晒香濃，而且甜度適中，另外，亦有多款其他泰國地道特式飲品，lunch時間叫主食就可以用優惠價加配，抵呀！