影片
更多
2016-02-27
739 瀏覽
今日同細妹出咗去APM行街，諗住順便去「一杯」食晚餐。點知去到先發現原來東亞信用卡個優惠已經冇左>< 要比正價價錢。嗚嗚嗚⋯⋯亞妹建議去行過APM隔離個亞太中心睇下，話果度有好多新餐廳。由APM行去大約兩分鐘（極近！），去到樓下睇下個水牌，見到有間叫大滿屋既日式放題！5點半前入座第二位半價！！！望一望，仲有幾分鐘就到5點半！諗都唔諗就搭𨋢沖左上去10樓！ 一開𨋢門，見到成間餐廳已經坐滿左一半！嚇親我呢！另外令我驚訝既係間餐廳裝修得好modern, 感覺好亁淨企理，比起其他日式放題餐廳感覺舒服好多。星期四5點半前入座，第一位$258，第二位半價，任食兩個鐘！餐廳比左張4人卡位我地坐，一坐低，侍應就同我地講飲品雪糕雪條果d喺出面任攞，其他食物同甜品就剔紙order!出到去見到有超多飲品，樽裝罐裝紙包都有，有凍有唔凍，好貼心！雖然我唔食雪糕，不過見到個雪糕櫃有好多選擇，連雪糕糯米糍都有：） 攞左樽果汁先生就返埋位睇下有咩食，爭取時間吖嘛！先黎一盤刺身！回本之作！嘩！好大盤，放題黎講呢盤刺身都擺得都好有心思同誠意，份量仲多到食完都已經飽左一半，哈哈！d刺身比我想
亞妹建議去行過APM隔離個亞太中心睇下，話果度有好多新餐廳。由APM行去大約兩分鐘（極近！），去到樓下睇下個水牌，見到有間叫大滿屋既日式放題！5點半前入座第二位半價！！！望一望，仲有幾分鐘就到5點半！諗都唔諗就搭𨋢沖左上去10樓！
一開𨋢門，見到成間餐廳已經坐滿左一半！嚇親我呢！另外令我驚訝既係間餐廳裝修得好modern, 感覺好亁淨企理，比起其他日式放題餐廳感覺舒服好多。
星期四5點半前入座，第一位$258，第二位半價，任食兩個鐘！餐廳比左張4人卡位我地坐，一坐低，侍應就同我地講飲品雪糕雪條果d喺出面任攞，其他食物同甜品就剔紙order!
出到去見到有超多飲品，樽裝罐裝紙包都有，有凍有唔凍，好貼心！雖然我唔食雪糕，不過見到個雪糕櫃有好多選擇，連雪糕糯米糍都有：）
攞左樽果汁先生就返埋位睇下有咩食，爭取時間吖嘛！先黎一盤刺身！回本之作！嘩！好大盤，放題黎講呢盤刺身都擺得都好有心思同誠意，份量仲多到食完都已經飽左一半，哈哈！d刺身比我想像中新鮮肥美，特別係油甘魚甜蝦同三文魚！仲有第一次食珍珠黑鳥貝，食落好似北寄貝，好甜好好味！
因為呢排中醫叫我唔好食咁多生冷野，所以冇再叫壽司，主攻其他熱食料理！
食物種類有好多，不過可惜我個胃只有一個，又唔想食唔哂浪費食物，所以只係點左天婦羅、吉列蠔、芝麻雞翼、燒蝦、雞軟骨串、帆立貝燒，全部都熱辣辣好味道！特別係天婦羅同芝麻雞翼，前者粉漿好薄蝦又彈牙，後者炸得好香口又唔算油！正！特別一提呢間日式放題竟然有泰式鳯爪，仲要係超好味，不過如果唔食得辣就唔好點喇，因為都幾辣下
本來仲想點個鍋物黎食下，不過真係已經太飽，唯有下次再試！最後叫左兩個甜品，木槺布甸同桂花糕，細細個幾精緻，又唔算太甜！唔錯！
最後一定要讚一讚係，食左兩個鐘，完全冇漏單，侍應態度亦都好好！走既時候都見到不斷有客人入去！呢間可以翻兜！如果星期一至三仲平d㖭！
張貼
