Marine Seafood Bar & More (已結業)

鐘意食海鮮生蠔既一定要黎試試餐廳環境以黃燈泡做點綴，有格調而且充滿歐陸風。海鮮拼盤賣相相當吸引，入面有龍蝦、青口、生蠔、凍蝦、刺身、硯、螺。全部海鮮都非常新鮮，肉質彈牙充滿淡淡的海水味。而且生蠔配白酒呢個組合真係冇得頂，可以令蠔既鮮甜味更特出。另外要推介嘅係德國鹹豬手，食落去塊皮脆卜卜，一啲都唔油膩，肉質又保持到嫩滑，仲要啖啖骨膠原，口感真係好豐富。壓軸登場嘅巨型斧頭扒勁juice，肉質好鬆軟，食落去啖啖都係肉汁。而且份量相當驚人，真係要搵多幾個朋友一齊黎先食得哂。另外餐廳老闆仲介紹咗西班牙傳統飲品Sangria比我地，係一款用生果配搭紅酒打造出黎既飲品。水果味香甜，容易入口，再配搭一口焦糖菠蘿，真係令我一試便愛上。