影片
更多
2015-06-08
503 瀏覽
我地次次落觀塘食晚飯，多數都係去APM入面啲餐廳。老公話佢朋友介紹左一間唔錯嘅樓上CAFE，所以今晚就帶我地嚟食好嘢呀~入面環境都好舒服，用左好多粉色系列，又擺放左鋼琴同公仔，再加上小旗幟，整個感覺都唔錯呀~除左大廳之外，仲有一間房可包場用呀~老闆娘非常好人，係我地仲未決定食乜時，就請小小豬飲橙汁啦~好一位唔知醜嘅小小豬...哈哈哈~肉醬意粉就最啱小小豬~依個為食小小豬就以行動證明好食，因為佢一個人差唔多食晒成碟~老公話佢朋友大力推介豬脾餐，所以我地都ORDER左一SET試試啦！真係冇介紹錯，隻豬脾大大隻之餘，外皮就鬆鬆脆脆，肉質就好嫩滑，而且個味道唔會過咸或冇味，幾啱我倆口味~不過我就當那幾條腸仔印象就比較深，因為一般我對腸仔感覺都係多味精同勁韌。但跟餐依幾條美味腸完全冇依兩個問題，個皮薄薄得嚟，啲肉又好彈牙，食落仲唔覺有味精呀(因為食完都完全唔渴水呀)~老公嘅牛奶樽無冰凍奶茶，好香濃嘅茶味，入口又好滑，就連我唔"好"奶茶嘅我都偷偷地飲左幾啖呀~我就飲薑蜜，薑味都好濃，而且又唔會太甜，仲有好多粒粒薑呀~食完主菜就到甜品時間，小小豬又嚟發揮佢唔知醜嘅一面，不停問老闆娘有冇甜品，最後老闆
入面環境都好舒服，用左好多粉色系列，又擺放左鋼琴同公仔，再加上小旗幟，整個感覺都唔錯呀~
除左大廳之外，仲有一間房可包場用呀~
老闆娘非常好人，係我地仲未決定食乜時，就請小小豬飲橙汁啦~
好一位唔知醜嘅小小豬...哈哈哈~
肉醬意粉就最啱小小豬~
依個為食小小豬就以行動證明好食，因為佢一個人差唔多食晒成碟~
老公話佢朋友大力推介豬脾餐，所以我地都ORDER左一SET試試啦！真係冇介紹錯，隻豬脾大大隻之餘，外皮就鬆鬆脆脆，肉質就好嫩滑，而且個味道唔會過咸或冇味，幾啱我倆口味~
不過我就當那幾條腸仔印象就比較深，因為一般我對腸仔感覺都係多味精同勁韌。但跟餐依幾條美味腸完全冇依兩個問題，個皮薄薄得嚟，啲肉又好彈牙，食落仲唔覺有味精呀(因為食完都完全唔渴水呀)~
老公嘅牛奶樽無冰凍奶茶，好香濃嘅茶味，入口又好滑，就連我唔"好"奶茶嘅我都偷偷地飲左幾啖呀~
我就飲薑蜜，薑味都好濃，而且又唔會太甜，仲有好多粒粒薑呀~
食完主菜就到甜品時間，小小豬又嚟發揮佢唔知醜嘅一面，不停問老闆娘有冇甜品，最後老闆娘就請佢食雪糕呀~
依隻為食豬見到佢至愛，真係好似眼仔發光咁呀~
除左雪糕，老闆娘仲請小小豬食佢自家制嘅紅蘿蔔蛋糕~
最後就係我倆嘅甜品米糠布甸及意式奶凍~
其實兩款味道都好吸引，不過我個人就極力推薦意式奶凍，因為牛奶味重得嚟口感又滑滑呀~
第一次嚟樓上CAFE食晚餐，仲唔到真係好有驚喜，所以我地都決定下次再去觀塘食嘢時，都會再嚟依間試埋其他嘢食。
張貼
