東羅 泰館 (已結業)

收工約埋同事搵食， 喜愛泰菜嘅佢選擇咗，位於裕民坊商場3樓嘅東羅泰館。餐廳裝修充滿泰式風，坐得舒服空間感又好👍。我哋點左幾樣食物一齊分享🥳。泰式生蝦刺身酸辣醬青汁，夠冰凍加埋青汁蒜頭辣椒一齊食，很可口啊☺️。炭燒牛肉配青木瓜沙律🥗，青木瓜係有益嘅食物, 成日外出食飯，係要食番啲健康野至得☺️，新鮮爽口。泰南紅咖喱慢煮牛肋條，慢煮牛肋條煮到剛剛好，不會感到很硬，紅咖喱不會過辣，帶些甜甜的口味較濃， 併埋蒜蓉包食十分惹味。大蝦炒金邊粉，有2隻大蝦🍤，火配大量配料如芽菜、蛋絲同豆腐乾，旁邊放有辣椒粒同花生粒，熱辣辣炒得乾身，唔覺油膩感👍。 飲品是西柚冰凉特調同鳳梨清新特調，超大杯很清新解渴。