東羅 泰館 (已結業)

觀塘出名多隱世小店，呢間就位於裕民坊，主打多款泰國fusion料理，環境闊落舒適，裝修帶點小清身feel，望落都幾高級🤣 價錢合理，地點方便，值得到訪😋前菜同小食有好多選擇，脆炸豬頸肉配青芒果沙律感覺好fresh，豬頸肉唔嚡，仲好juicy添！椰菜花原個上，賣相吸引，大大個，軟硬度適中，配上微辣嘅青咖喱醬，點埋脆脆嘅薄餅真係好match，性價比高，開胃又美味🤤大推呢度嘅泰式鹹蛋黃金薯條，鹹蛋黃醬好出色，每啖都食到粒粒鬆化起沙嘅感覺，配上炸至金黃色又酥脆可口嘅薯條，好邪惡但會忍唔住一啖接一啖咁食😭 愛了愛了😛 另外有炭烤燒魷魚鬚，份量偏少，爽口彈牙，帶點燒烤味～東羅泰滷豬手望落好乾但食落完全係兩回事😂 豬手幾腍但未到超級入味，如果有多塊豆腐就好啦～ 主食當然唔少得街頭大蝦炒金邊粉，炒至乾身，但記得要早啲食，唔係嘅話會黐埋一齊，蝦有兩大隻，撈埋旁邊嘅碎碎同芽菜都唔錯！