影片
更多
2021-07-11
163 瀏覽
難得平日可以放假，特登入觀塘區嘅工廈玩返夠本。玩到差唔多食飯時間，係觀塘海濱附近搵間餐廳享用晚餐就再寫意不過，食完再慢慢散個步。當日餐湯為南瓜湯，入口非常香甜濃稠，飲得出係選用新鮮南瓜磨製而成。澳洲和牛漢堡配蕃薯條 $138和牛漢堡份量巨型，頗有美式風情。最搶眼莫過於夾層煎得金黃通透嘅太陽蛋，面層更綴以調味料同香草以提升香氣，相當用心。經過輕微烘烤嘅漢堡包有微脆口感，配上厚切澳洲和牛、半融芝士、火箭菜、秘製醬得其他配料，一口嚐盡多種層次。滿足之餘又唔會蓋過和牛扒嘅牛肉濃香，實屬水準之作。伴碟另有香甜蕃薯條，炸至外酥內腍，一口一條令人上癮。蟹肉闊條麵 $158彈牙闊條麵面層鋪以大量綿滑蟹肉碎、菇菌、蘆筍、三文魚籽等配料，口感相當豐富。每口麵都被蟹肉鮮味緊緊包覆，唔會出現味道變淡嘅問題。闊條麵份量同樣好足料，兩人分享應該都無問題。Cream Brulee $58焦糖燉蛋以扁身器皿盛載，面層焦糖同底層燉蛋比例較不易失衡。焦糖甜蜜香脆，配上甜度較低、雲呢拿味較重嘅燉蛋，兩者相得益彰。Baileys Mousse Cake $48Baileys酒香口味嘅慕斯蛋糕，入口輕盈唔算太甜膩。蛋糕夾層嘅雲
當日餐湯為南瓜湯，入口非常香甜濃稠，飲得出係選用新鮮南瓜磨製而成。
澳洲和牛漢堡配蕃薯條 $138
和牛漢堡份量巨型，頗有美式風情。最搶眼莫過於夾層煎得金黃通透嘅太陽蛋，面層更綴以調味料同香草以提升香氣，相當用心。經過輕微烘烤嘅漢堡包有微脆口感，配上厚切澳洲和牛、半融芝士、火箭菜、秘製醬得其他配料，一口嚐盡多種層次。滿足之餘又唔會蓋過和牛扒嘅牛肉濃香，實屬水準之作。
伴碟另有香甜蕃薯條，炸至外酥內腍，一口一條令人上癮。
蟹肉闊條麵 $158
彈牙闊條麵面層鋪以大量綿滑蟹肉碎、菇菌、蘆筍、三文魚籽等配料，口感相當豐富。每口麵都被蟹肉鮮味緊緊包覆，唔會出現味道變淡嘅問題。闊條麵份量同樣好足料，兩人分享應該都無問題。
Cream Brulee $58
焦糖燉蛋以扁身器皿盛載，面層焦糖同底層燉蛋比例較不易失衡。焦糖甜蜜香脆，配上甜度較低、雲呢拿味較重嘅燉蛋，兩者相得益彰。
Baileys Mousse Cake $48
Baileys酒香口味嘅慕斯蛋糕，入口輕盈唔算太甜膩。蛋糕夾層嘅雲石紋路頗有美感，面層加上藍莓 同燈籠果，係幾特別嘅組合，總會令人聯想起細個食嘅西餅，簡約又帶點懷舊感。
Matcha Latte 熱:$46
飛天獨角獸圖案於翠綠色抹茶Latte上躍動，紋路分明精細，賞心悅目。輕呷一口，淡淡抹茶香滲入口腔。茶澀味唔算好濃，奶嘅比例較多，相較易入口。
Chocolate 凍:$42
類似髒髒咖啡嘅朱古力特飲，賣相幾吸引，可惜味道上驚喜欠奉。即使拌勻朱古力粉再享用，朱古力味依然唔夠濃郁，略為可惜。
張貼
