La Serre

營業中

休息中

琴晚同男朋友去咗一間近觀塘海旁好有feel嘅餐廳，佢成個環境都好浪漫，嘢飲牌方面，有好多各式各樣唔同嘅酒選擇，我同男朋友揀咗一個青口，再叫咗一個白汁亞枝竹，菠菜，蘑菇意大利長通粉，加多個，安格斯牛肉芝士竹炭漢堡配牛油果煎蛋，首先講一講個青口，佢係用藍青口，我食得出佢有白酒嘅香味，每粒青口，都鮮味十足，而白汁蘑菇意大利長通粉，白汁襯托住意大利長通粉，非常一個好嘅配搭，再加上一啲亞枝竹同菠菜，令平平無奇嘅一個白汁意大利長通粉，變得不平凡，最後安格斯牛肉芝士竹炭漢堡配牛油果煎蛋， 安格斯牛肉肉汁豐富，配上牛油果，可以減輕一啲油膩感，配上竹炭漢堡包，每一啖口感豐富，男朋友叫咗一杯生啤酒，佢話啤酒香味濃郁，每一啖啤酒都係一種享受，而我就叫咗一杯熱情果mocktail（Passion fruit）,呢杯mocktail，熱情果味豐富，又唔會太甜，非常好飲，總括而言，依間餐廳好啱情侶夜晚食飯黎浪漫一番，下次如果經過觀塘海濱長廊，不妨試一試呢間餐廳。