小火焰韓式咖啡廳 (觀點中心) (已結業)

做完運動約咗朋友仔食lunch ，揀左小火焰，因為就腳同埋見到都有唔少學生OL黎幫襯，最重要係近mrt站，係apm出口，向牛頭角方向行兩三分鐘就到。試左Bang bang 薯條🍟，呢個小食絕對值得推薦嘅，因為芝士醬好好食，而且即叫即炸，好難得我地食到最後d 薯條都仲係脆嘅，冇淋到，我個揀飲擇食個嘴刁既fd都大讚。甜品我就揀左爐板燒布朗尼，上到枱個樣都幾靚，好打卡able ，因為舊brownie 下面有個爐仔，細火咁warm 住，暖暖哋好食，吾會燶。上面嘅雪糕就preset 左雲呢拿口味，冇得揀，不過就要快啲食，唔係有火溫住好快就溶。另外，我地仲叫左個蛋卷，份量吾少，材料豐富，有蛋有紫菜有蟹籽，蛋夠moist有蛋味，蟹籽份量都吾少，中間仲有少少飯，夠飽肚，哈。外賣自取仲有折，下次試下先。