鶴崎居酒屋 (已結業)

去完保險公司，喺下面商場見到呢間居酒屋，入口位置好有昭和風，全店木系裝修，卡位位置都幾別緻～ 先點串燒：🍢露筍豬肉卷嫩滑豬肉片，薄薄地卷住小束露筍，燒熟金黃香口，濃厚肉汁之中有一份清新爽口感，唔會太肥腻🥘雲糖壽喜鍋（安格斯牛小排）呢個真係必點，壽喜鍋上面有綿花糖做topping，賣相好cute 吖！睇住店員整棉花糖既一刻，真係好期待！ 棉花糖受熱慢慢熔化入湯後，就可以放牛小排灼熟食鍋底蔬菜配料勁多，配埋甜甜地既壽喜燒湯底，明火熱辣辣食夠晒暖胃。安格斯牛小排每件都有雪花紋路，肉色夠紅潤，灼一分鐘唔好過火食最啱，入口軟嫩有肉香，仲有甜身壽喜燒湯汁吸附，好鮮味。🍣北海刺身丼點餐時可以調整飯既份量刺身有三文魚子、一對蟹鉗、吞拿魚蓉、帶子、油甘魚、赤身吞拿、仲有海膽添！加左三文魚子既飯入口爆汁咸鮮，配搭各式各樣刺身片食，啖啖滿載滋味。🥚月見免治雞肉食串燒好中意點免治雞肉串，為既係隻蛋🤣呢度就變奏一下，將免治雞肉整成肉餅狀，上面加上蛋黃。食既時候雞肉加蛋黃汁，香滑鮮味