影片
更多
2018-06-26
45 瀏覽
自從某人轉咗去觀塘返工後，近排都多咗來這邊搵食，上次去咗開源道一間樓上廚房吃晚飯，今次就決定試下主打以西班牙伊比利亞黑毛豬作食材的「Spanish Tapas Place 西班牙小食坊」，店子用上黑毛豬公仔做 Logo，十分貼題餐廳座落於成業街 7 號東廣場地下，店內地方不大，靠牆位置設有一列長沙發座，配二至四人檯，而近廚房位就放有一張六人餐桌。另外門口對出同右手邊走廊位亦設有幾排高腳檯櫈，感覺雖然有點似 Food Court，但坐得尚算舒服。餐牌分開兩份，分別為食品同飲品，另外亦有兩張散頁。食物分門別類，每頁均附有菜式的相片，而項目就包括有西班牙海鮮小食、西班牙黑毛豬、主菜、西班牙生蠔、西班牙特色小菜、特色西班牙墨汁飯同傳統西班牙海鮮飯。至於飲品方面，就有白酒、有氣泡葡萄酒、啤酒、西班牙特色水果酒、冷壓天然果汁、花草茶、西班牙咖啡及西班牙紅茶等，選擇非常豐富。既然餐廳以黑毛豬做主題，當然要一試，另外亦揀咗兩款小食同西班牙特色肉腸。先來一客鬆脆包 ($30)，一份有 6 件，拿起一塊咬下，果然包如其名，不但香口鬆脆，而且由於廚師已經預先放了橄欖油上包面，所以食落仲有一股淡淡的幽香透出，
自從某人轉咗去觀塘返工後，近排都多咗來這邊搵食，上次去咗開源道一間樓上廚房吃晚飯，今次就決定試下主打以西班牙伊比利亞黑毛豬作食材的「Spanish Tapas Place 西班牙小食坊」，店子用上黑毛豬公仔做 Logo，十分貼題
餐廳座落於成業街 7 號東廣場地下，店內地方不大，靠牆位置設有一列長沙發座，配二至四人檯，而近廚房位就放有一張六人餐桌。另外門口對出同右手邊走廊位亦設有幾排高腳檯櫈，感覺雖然有點似 Food Court，但坐得尚算舒服。
餐牌分開兩份，分別為食品同飲品，另外亦有兩張散頁。食物分門別類，每頁均附有菜式的相片，而項目就包括有西班牙海鮮小食、西班牙黑毛豬、主菜、西班牙生蠔、西班牙特色小菜、特色西班牙墨汁飯同傳統西班牙海鮮飯。至於飲品方面，就有白酒、有氣泡葡萄酒、啤酒、西班牙特色水果酒、冷壓天然果汁、花草茶、西班牙咖啡及西班牙紅茶等，選擇非常豐富。
既然餐廳以黑毛豬做主題，當然要一試，另外亦揀咗兩款小食同西班牙特色肉腸。先來一客鬆脆包 ($30)，一份有 6 件，拿起一塊咬下，果然包如其名，不但香口鬆脆，而且由於廚師已經預先放了橄欖油上包面，所以食落仲有一股淡淡的幽香透出，非常美味！
接著是一客店員特別推介的黑毛豬爽梅片金菇卷 ($45/3pcs)，肥牛金菇卷就食得多，但用黑毛豬片包住金菇製作，還是一次品嘗。薄切嘅黑毛豬片，食落夠曬軟身，腍滑入味，一點也不覺肥膩，而內裡捲住嘅金菇，亦口感柔韌，兩者味道十分夾配。
之後是一客西班牙特式肉腸 ($38x2)，據餐牌上嘅簡介，店裡嘅西班牙腸係採用健康煙燻技術來炮製，而且無麩質、無乳糖、無添加劑、無致癌物質等。至於口味方面就包括有傳統、牛肝菌、辛辣、咖哩、煙肉、香草同風乾紅椒味。不過由於啲香腸非常好賣，當晚有好多款口味都已經售罄，所以只揀咗傳統口味同牛肝菌。肉腸原條上檯，而兩款當中，個人就比較喜愛界咗花嘅牛肝菌腸，食落口感堅實 Q 彈，肉與油粒粒分明，細嚼下更可嘗到陣陣泥土香氣及果仁味道。
輪到吃兩款主角，烤橡果級黑毛豬夾心肉扒 ($148+$20/配飯) 同橡果級黑毛豬極品梅頭叉燒，客人可以揀配飯或意粉，只需另 +$20。先講下前者，夾心肉其實是肩胛骨到梅頭之間嘅肉，每隻豬只有 2 塊，非常罕有，燒香後面層嘅脂肪融化，入口外殼爽脆，而內裡仍然保持多汁嫩滑。
至於另一客橡果級黑毛豬極品梅頭叉燒 ($168) 就做得更加出色，叉燒採用西班牙 Iberico Pork 燒製，食落不但肉質柔軟鬆化、而且腍滑中更帶點彈性，肉味豐富，脂肪充滿橡果香，入口鮮嫩多汁，加上面層的叉燒醬，味道帶甜又不會蓋過黑毛豬本身嘅原味，非常可口，比夾心肉更好吃。
飲品點咗冷壓天然果汁，呢兩杯係蘋果橙 ($28) 同芒果橙 ($28)，果汁採用冷壓技術製作，比一般高轉速的榨汁方法更能保留多 4-5 倍維他命、礦物質及酵素，加上不添加水及糖，味道既天然又足料，夠曬原汁原味。
離開時見近廚房嘅櫃入面放滿了西班牙黑毛豬火腿，據稱包括有 24、36 和 42 個月，店員還說可以即場買走。
張貼
