友情廚房

營業中

休息中

觀塘工廠大廈內有好多隱世餐廳，需要我哋去發掘，今次我就發掘到「友情廚房」，地鐵站行過去要10分鐘左右。室內有寄賣品，枱枱凳凳都係木，好古代feel。要到櫃枱點餐，之後去旁邊自取飲品。秘製梅菜扣肉 $50扣肉好淋，肥膏入口即溶，梅菜入哂味，非常驚喜這樣的小店會有這樣高水準的菜，必食😋特色椰香海南雞飯 $42雞肉好滑，但個汁更好味😋，簡直係靈魂，好食到我將雞肉沾滿哂汁先食👍🏻蒜泥豚肉 $18唔同川菜館既樣子，似係焯熟佢再放上蒜蓉，豚肉口感似邊爐左既豬肉，味道都好味既。泰式酸辣鳳爪$22鳳爪仲有少少骨，但酸辣汁好入味，好食😋菜心苗$18菜唔老，ok👌🏻芝士煙肉薯條$25上枱時熱辣辣，芝士煙肉份量適中，薯條炸得唔錯，熱食較好。去濕檸檬薏米水 $15檸檬酸味及薏米味都好夠，只有少少甜。