Deer Kitchen (The Wave) (已結業)

見到哩間餐廳幾多好評，黎開觀塘就訂埋枱上黎食dinner。餐廳名叫deer，店內裝修會發現唔少有關鹿既影子，例如擺設，燈飾，甚至熱飲咖啡圖案。我地order左2個主菜、一客沙律同二杯飲品，豐富。鰻魚牛油果沙律 $80 (regular)出面比較少見到既配搭，相當吸引，有我好中意食既牛油果同鰻魚。用料都幾足，鰻魚同牛油果都落得多，加埋青瓜，overall 都好夾，推介！黑毛豬鞍 $288好大舊，有成12oz目測，仲要好林，配個燒汁好夾，濃味之選，值得一讚埋配菜，個紫薯蓉又甜又林，好味。煙三文魚辣肉腸意粉 $128顏色豐富，見到餐牌標明意粉係手作，的確比普通意粉多一份咬感，味道配搭得開胃，唔辣，如份量多d會更好。熱鮮奶咖啡 $36配合主題既鹿圖案幾可愛，整體中等。荔枝菠蘿藍碟花梳打 $40哩杯幾靚，岩打卡，仲好大杯，甜甜的，幾岩女生。