麻辣小聚 (93WYS) (裝修中)

今日同老公出去食飯，老公話想食酸菜魚又想食龍蝦，我又想去打邊爐。所以就嚟觀塘呢間麻辣小聚，呢度有晒我哋想食嘅嘢。我哋食呢個係120分鐘川辣海鮮和牛火鍋放題，首先係揀咗一個鍋底先，我哋就揀酸菜魚鍋，跟住就嚟過麻辣小龍蝦，小龍蝦係任食嘅，正呀！跟住就當我期待嘅打邊爐，中間我哋仲可以食啲小食同點心。難忘酸菜魚鍋🐟黃金色湯底嘅酸菜魚非常吸引，咁靚嘅湯底望落去即刻食慾大增。酸菜魚鹹香味十足，酸味有夠，酸菜口感清爽，魚肉肉質爽脆，兩者配搭非常好味，入邊仲有啲芽菜，雲耳和薯粉，整個鍋非常惹味，麻辣小龍蝦🦞麻辣小龍蝦任食，今次老公真係想食幾多都得，小龍蝦都算大隻，入邊滿滿蝦肉，執咗麻辣汁嘅味道，令蝦肉更加鮮甜，有先前有辣嘅味道令人食唔停口，老公不斷encore再encore！任食火鍋🍲好嘢！打邊爐啦！呢度有多款🐂牛肉可以選擇，包括有本地牛仔肉，安格斯牛肥牛和西班牙M 5和牛。除咗牛肉之外，仲有🐖西班牙黑毛豬。食完肉就當然要食啲🥬蔬菜，生菜，蘿蔔，粟米，蕃茄，豆腐，冬菇，種類非常豐富。如果唔夠飽仲可以淥啲麵食，食到舔舔脷 👅