Private K (已搬遷) 新店位置

觀塘返左年幾工，真係食到好悶！雖然最近越開越多餐廳，不過都係西餐為主。今次本來只係返兜一下之前食過既餐廳，點知原來佢地改左 lunch 做泰菜！實在太好喇，因為泰菜最近個間都要行到APM , 又多人到死！ 之前佢地lunch , 無set 既！食物ok , 不過就真係幾貴！宜家全部係lunch set , 有湯有野飲，抵好多！同同事兩個，叫左兩個餐！豬頸肉炒飯&青咖哩青口飯，同事覺得炒飯幾好食，不過多幾片肉就更好我自己食青咖哩，佢menu 上寫係用紐西蘭青口,完全無渣!好彩落單時提左我係辣咖哩,因為真係幾香辣，我超like 不過，最推介既反而係佢地既泰式鳳爪！超超超好味，唔係浮誇！佢地醃到好似係泰國咁既味！最驚出面會落好多醋，或者雞醬去醃！呢到見到醃料都係真材實料架！雖然我明佢落足心機整，但定價比出面都係貴少少！算喇，一分錢 一分貨！會繼續支持！