影片
更多
2020-09-22
3897 瀏覽
以前喺「駿業熟食中心」嘅時候，已經一路有幫襯開，當時嘅印象係，蒸魚夠晒新鮮大條又抵食，白飯、時菜、老火湯任裝，但舖頭實在太細，所以嗰陣時唔係成日幫襯。自從搬咗上去冠力13樓，就開始多咗幫襯，限聚令之前仲有幸book到佢晚上做嘅私房菜，呢個下次再講。好啦，入正題，今日lunch, 我成差唔多兩點先同同事去到，老闆娘一如既往非常之好笑容，熱情嘅招呼，一坐低，就會奉上每人一碗老火湯&時菜，今日嘅老火湯係「粉葛海底椰合掌瓜甘笋豬骨湯」，無味精，救火喉，我前後飲咗三碗今日同同事每人點咗一個餸，有「江南百花雞」同埋老闆娘推介嘅「清蒸石蚌魚」，其實我係第一次食百花雞，嘩～原來係心機功夫懷舊菜，碟餸送到嚟嘅時候，我仲以為佢送錯咗，真係失禮😅😅 上面果層嘅手打蝦膠好新鮮好香好好味，下面係拆晒骨嘅雞肉，好滑，連埋雞皮食又唔會覺得好油膩，總之一個字「正！」至於呢條「清蒸石蚌魚」，肉嫩味鮮，今日menu係無嘅，都係老闆娘推介。呢間餐廳日日都會轉menu, 不過日日都有新鮮蒸魚食，鍾意食好味健康住家飯嘅觀塘友，我真心大力推介俾各位！啊～ 仲有一個今日冇嘅菜式，就係「黑松露墨魚膠蒸蛋」，呢個係超級超級好食，印象中
自從搬咗上去冠力13樓，就開始多咗幫襯，限聚令之前仲有幸book到佢晚上做嘅私房菜，呢個下次再講。
好啦，入正題，今日lunch, 我成差唔多兩點先同同事去到，老闆娘一如既往非常之好笑容，熱情嘅招呼，一坐低，就會奉上每人一碗老火湯&時菜，今日嘅老火湯係「粉葛海底椰合掌瓜甘笋豬骨湯」，無味精，救火喉，我前後飲咗三碗
今日同同事每人點咗一個餸，有「江南百花雞」同埋老闆娘推介嘅「清蒸石蚌魚」，其實我係第一次食百花雞，嘩～原來係心機功夫懷舊菜，碟餸送到嚟嘅時候，我仲以為佢送錯咗，真係失禮😅😅
江南百花雞
$56
167 瀏覽
2 讚好
0 留言
上面果層嘅手打蝦膠好新鮮好香好好味，下面係拆晒骨嘅雞肉，好滑，連埋雞皮食又唔會覺得好油膩，總之一個字「正！」
清蒸石蚌魚
$72
143 瀏覽
1 讚好
0 留言
至於呢條「清蒸石蚌魚」，肉嫩味鮮，今日menu係無嘅，都係老闆娘推介。
呢間餐廳日日都會轉menu, 不過日日都有新鮮蒸魚食，鍾意食好味健康住家飯嘅觀塘友，我真心大力推介俾各位！啊～ 仲有一個今日冇嘅菜式，就係「黑松露墨魚膠蒸蛋」，呢個係超級超級好食，印象中都係$50左右！
又好食，又好招呼，又有人情味嘅小菜餐廳，香港真係買少見少！
*記住留意佢個Menu係日日都唔同㗎
張貼
