一浩 (已結業)

心情唔好出去黃金海岸吹吹風，肚餓見裝修幾靚就入咗呢間「一浩」。識坐一定坐吧枱，有得睇廚師整之餘仲有得同廚師交流，摸下酒杯底。我點咗個omakase，日文嘅意思係「廚師發辦」，顧名思義就係不問菜式，不問煮法，食客不用頭痕食乜好，期待著由廚師帶給自己的驚喜。師傅手起刀落，熟練的刀功，令人大飽眼褔。豆味香，質感細滑，配上日本洋蔥青䓤白䓤，帶出雙重口感。三文魚刺身及蔬菜配上黑醋汁，非常醒胃。炭燒魷魚，炭香撲鼻，魷魚爽口彈牙而不韌。擺盤精美，刺身鮮味。薄薄的炸粉炸至金黃色，看出廚師的功力。充滿油香的煎鵝肝配上香脆法包，廚師巧妙地利用藍莓醬汁中和了鵝肝的油膩感。入口即融之燒銀鱈魚。燒牛腹肉，肉味濃郁，可配上旁邊小配料一起食用，一牛幾味，推薦柚子海鹽，柚子甘香令肉味昇華至更高層次。廚師發辦的壽司，使用了當造新鮮食材，為今餐劃上了完美句號。