爵士拉麵

營業中

休息中

係粉嶺食lunch，好多時都出聯和墟，忽然醒起有間拉麵未試過。去到望多兩眼先見到間野，係街角比較唔起眼，入到去係一貫既拉麵店座位，可以坐到大約20個人。我叫左年糕拉麵，因為去開既拉麵鋪都冇見過，諗住試下。我以為佢冇蛋，所以加左醬油蛋，點知黎到先知有蛋，好彩我鐘意食蛋。醬油蛋我覺得一般，唔係溏心蛋，味道係ok既至於個麵，我叫左小size，普通食量既女仔都會夠食。冇乜鹼水味，麵質唔錯，但係可能因為有兩塊炸年糕，令到個湯好油。年糕好大塊好飽，冇乜特別，就係一舊炸年糕。男朋友食爵士拉麵，中size，個價錢同我果個差好遠好似係味蹭味，牛肉份量都好多，其他料不過不失。整體黎講，佢d野都唔差，但係冇乜驚喜，唔會令人有想食第2次既慾望。如果想試下唔同拉麵鋪既，可以試一次。