影片
更多
2021-11-23
1775 瀏覽
位置超級隱蔽，大概有三個入口。我哋喺麼地道入口向着酒吧行，轉左行入小巷就係ChumChum味。職員大部份都係韓國人，人手好少同埋要講英文，落單可以用QR code，而且有細圖可以睇。*前菜前菜可以添加，三款小菜都好食，爽甜小辣，非常開胃。泡菜係我數一數二食過好食嘅泡菜，小酸小辣，唔會有嗰種奇怪嘅酸味怪味。北方冷麵 $110有北方冷麵又有冷麵，食完都唔知有乜分別。呢度冇幫你剪開冷麵，所以食得有啲論盡。麵條煙韌偏硬，配埋青瓜蘿蔔片非常清爽，配豬肉食都唔會有油膩感，肉配麵反而有種踏實嘅感覺。可惜牛骨湯唔夠濃，食得出淡淡牛肉味，食麵唔連湯飲會偏淡口，有啲失色。煮豬肘 $250煮豬手真係好少見！下面有個火爐坐熱豬手，食到最後都唔會凍。豬手滷到入味，骨肉分離，筷子工差啲都會夾到散晒。豬皮唔會腍啤啤，而係非常有咬口又重膠質，反而豬肉本身有少少乾，所以要連皮連肥食，等啲油脂滋潤翻豬肉。因為豬手始終都係油膩食物，難免會食膩，所以我會夾埋前菜同泡菜食。想要啲刺激新鮮感，就可以分別點兩種醬汁，一種偏辣，一種帶蒜香，同樣都係重口味。奶油芝士炒年糕 $240幾乎個個食評都有叫炒年糕，一上菜就以為自己去咗韓國街頭
*
前菜
前菜可以添加，三款小菜都好食，爽甜小辣，非常開胃。泡菜係我數一數二食過好食嘅泡菜，小酸小辣，唔會有嗰種奇怪嘅酸味怪味。
前菜
16 瀏覽
0 讚好
0 留言
前菜
16 瀏覽
0 讚好
0 留言
北方冷麵 $110
有北方冷麵又有冷麵，食完都唔知有乜分別。呢度冇幫你剪開冷麵，所以食得有啲論盡。麵條煙韌偏硬，配埋青瓜蘿蔔片非常清爽，配豬肉食都唔會有油膩感，肉配麵反而有種踏實嘅感覺。可惜牛骨湯唔夠濃，食得出淡淡牛肉味，食麵唔連湯飲會偏淡口，有啲失色。
北方冷麵
$110
18 瀏覽
0 讚好
0 留言
煮豬肘 $250
煮豬手真係好少見！下面有個火爐坐熱豬手，食到最後都唔會凍。豬手滷到入味，骨肉分離，筷子工差啲都會夾到散晒。豬皮唔會腍啤啤，而係非常有咬口又重膠質，反而豬肉本身有少少乾，所以要連皮連肥食，等啲油脂滋潤翻豬肉。因為豬手始終都係油膩食物，難免會食膩，所以我會夾埋前菜同泡菜食。想要啲刺激新鮮感，就可以分別點兩種醬汁，一種偏辣，一種帶蒜香，同樣都係重口味。
煮豬肘
$250
23 瀏覽
0 讚好
0 留言
奶油芝士炒年糕 $240
幾乎個個食評都有叫炒年糕，一上菜就以為自己去咗韓國街頭嘅舖頭食緊炒年糕套餐。面頭有一大條韓式飯卷，包住青瓜絲紅蘿蔔絲醃蘿蔔絲，白飯有啲腍，味道普通。仲有好多炸物，炸餃子、Gimmari炸冬粉海苔卷、吉列蝦、薯條，雖然係炸但完全唔油膩。記住要快啲食，唔係浸得耐會變腍，薯條就腍得好快。醬汁係玫瑰汁，韓式辣醬+忌廉令到辣度非常非常低，帶淡淡奶香，仲有啲香腸同魚糕，索晒啲汁。年糕有米香又煙韌，形狀似長條粗烏冬，非常特別好少見。雖然食得好飽，但食材本身普通，烹調技術都唔高，cp值有啲低，食一次就夠
奶油芝士炒年糕
$240
25 瀏覽
0 讚好
0 留言
張貼
