影片
更多
2019-02-14
287 瀏覽
呢個唔算係食評, 因為最終無食到。我早10日前已經透過open rice 訂枱系統訂座今天2位, 晚上8點。而系統亦於翌日已確認我的預訂成功。但今日下午4点多, 就收到店方電話, 佢話今日好多預訂, 會做唔切。問我可不可以改到9點。我就答: 其實遲15~20分鐘我都理解, 但遲成個鐘就唔太好。最後佢話咁改到8点半。Ok! 我覺得既然你咁有誠意打電話嚟, 大家將就吓。之後隔咗ㄧ陣, 店家再打嚟, 另ㄧ位店員又再講佢哋今日好多預訂, 做唔切, 又叫我改妟d, 我就update佢 - 我同佢同事嘅對話, 話已經改到去8点半。呢位店員小姐仲話 “係喎, 原來師傅打咗電話俾你, 已經寫低咗”。放咗工, 人在尖沙咀, 又餓又多人, 但因為改遲咗, 就唯有揾地方hea吓, ㄧ陣先上去。點知8点20分上到去。店員話要等多幾個“字” 先會有位, 同時已沒有bar枱坐, 只有外圍獨立位。咁我再追問究竟幾個字即係几耐。佢只好認話都係最早要9点。這刻我覺得這店家毫無誠信。如果8点半都唔得。當初就唔好答應。雖然係大時大節多人book位, 但book位嘅意義就係俾客人同店家都可以有個預算, 咁訂好咗又要你改, 改
我早10日前已經透過open rice 訂枱系統訂座今天2位, 晚上8點。
而系統亦於翌日已確認我的預訂成功。
但今日下午4点多, 就收到店方電話, 佢話今日好多預訂, 會做唔切。問我可不可以改到9點。
我就答: 其實遲15~20分鐘我都理解, 但遲成個鐘就唔太好。最後佢話咁改到8点半。
Ok! 我覺得既然你咁有誠意打電話嚟, 大家將就吓。
之後隔咗ㄧ陣, 店家再打嚟, 另ㄧ位店員又再講佢哋今日好多預訂, 做唔切, 又叫我改妟d, 我就update佢 - 我同佢同事嘅對話, 話已經改到去8点半。呢位店員小姐仲話 “係喎, 原來師傅打咗電話俾你, 已經寫低咗”。
放咗工, 人在尖沙咀, 又餓又多人, 但因為改遲咗, 就唯有揾地方hea吓, ㄧ陣先上去。
點知8点20分上到去。店員話要等多幾個“字” 先會有位, 同時已沒有bar枱坐, 只有外圍獨立位。咁我再追問究竟幾個字即係几耐。佢只好認話都係最早要9点。
這刻我覺得這店家毫無誠信。如果8点半都唔得。當初就唔好答應。雖然係大時大節多人book位, 但book位嘅意義就係俾客人同店家都可以有個預算, 咁訂好咗又要你改, 改咗又做唔到, 咁做咩放俾人訂位呢?!
呢間餐廳係食Omakase, 日文 (お任せ) 就有“信任”嘅意思, 信任師傅嘅安排, 相信佢哋為你預備當天最新鮮的食材, 做最好的料理...
咁嘅待客之道, 就算未有機會食到師傅嘅手藝, ㄧd都唔可惜。因為ㄧ個言而無信嘅師傅, 大概都做唔出咩好野。
張貼