影片
更多
2010-10-02
55 瀏覽
媽咪話30/9 食飯, 我晨早27/9就訂好9月30號7點半5位了~都預左去到要等一陣~媽咪準時7點半到,我未到, 知客同媽媽講話有人黎左啦, 就帶我媽咪去張檯, 點知見到d人一個都唔識既~ 原來酒樓方面竟然"唔小心"將我張檯俾左其他人~ 之後酒樓冇優處理我張檯, 寫左張"王小姐5位"既紙叫我媽咪o係出面等位. 我一黎到聽到就去問做乜我訂左位你將張檯俾左人, 仲要我o係度等位, 佢先話下張檯俾我, 再o係自己將紙寫低"黃小姐5位". 結果過左半個鐘有位, 佢叫黃小姐5位, 我就將我張紙俾佢啦, 佢睇一眼就話唔係你, 之後將張紙塞返落我隻手. 我咪火起即刻鬧佢, 指住佢寫既"黃小姐5位" 話, 你而家叫既咪呢個囉, 呢個咪係我囉, 之後丟返張紙俾佢. 你頭先話架嘛~佢先係咁道歉, 話攪錯左. 入到去同經理講, 經理一味只答係係係同陪笑. 呢d咁既態度令我好懷疑我係咪應該再來. 至少, 短期內我唔會幫襯.講返野食, 食左以下既野1) 准山燉雞湯 - 好飲~有鮮味同冇味精.(2) 貴妃雞半隻 - so-so, 雞有d "鞋"(3) 翠瓜炒鴛鴦蚌 - 普通家常小菜(4) 柚子蜜肉排 - 柚子蜜
媽咪準時7點半到,我未到, 知客同媽媽講話有人黎左啦, 就帶我媽咪去張檯, 點知見到d人一個都唔識既~ 原來酒樓方面竟然"唔小心"將我張檯俾左其他人~ 之後酒樓冇優處理我張檯, 寫左張"王小姐5位"既紙叫我媽咪o係出面等位. 我一黎到聽到就去問做乜我訂左位你將張檯俾左人, 仲要我o係度等位, 佢先話下張檯俾我, 再o係自己將紙寫低"黃小姐5位".
結果過左半個鐘有位, 佢叫黃小姐5位, 我就將我張紙俾佢啦, 佢睇一眼就話唔係你, 之後將張紙塞返落我隻手. 我咪火起即刻鬧佢, 指住佢寫既"黃小姐5位" 話, 你而家叫既咪呢個囉, 呢個咪係我囉, 之後丟返張紙俾佢. 你頭先話架嘛~佢先係咁道歉, 話攪錯左.
入到去同經理講, 經理一味只答係係係同陪笑. 呢d咁既態度令我好懷疑我係咪應該再來. 至少, 短期內我唔會幫襯.
講返野食, 食左以下既野:
(1) 准山燉雞湯 - 好飲~有鮮味同冇味精.
(2) 貴妃雞半隻 - so-so, 雞有d "鞋"
(3) 翠瓜炒鴛鴦蚌 - 普通家常小菜
(4) 柚子蜜肉排 - 柚子蜜落得太多, 攪到好"杰".
(5) 青蒸大海班 - 條魚好大, 有30cm+, 賣相ok! 不過蒸耐左少少, "鞋"左d.
(6) 乳豬 - 皮夠脆, 但好肥. 成碟野除左脆皮就係肥膏......
餐飯so-so..埋單$795.
咁大間酒樓, 訂位出錯, 紙仔寫錯字. 煩到客, 最後咪又係煩到自己~!唔明點解可以咁. 期待有改善既一日.
張貼